काठमाडौं– म्यानचेस्टर सिटीले १० खेलाडीमा सीमित रहेर पनि म्यानचेस्टर युनाइटेडलाई उसकै घरेलु मैदान पराजित गरेको छ।
ओल्ड ट्राफोर्डमा आइतबार सम्पन्न युनाइटेड डर्बीमा सिटीले १–० को जित निकालेको हो। जितसँगै सिटीले अपराजित यात्रा कायमै राख्दै ४ खेलबाट १२ अंक पुर्याएको छ। शीर्षस्थानमा रहेको आर्सनलको पनि समान खेलबाट समान अंक रहेपनि गोलअन्तरमा अघि छ।
यता, एक मात्रै जित निकालेको युनाइटेड भने ४ अंकसहित १३औं स्थानमा छ। सिटीले खेलको २३औं मिनेटदेखि नै एक खेलाडी कममा खेल्नुपरेको थियो। रेफ्री माइकल ओलिभरले ब्रुनो फर्नान्डेजमाथि खुट्टाले प्रहार गरेको भन्दै फिल फोडेनलाई सोझै रातो कार्ड देखाएपछि सिटी १० खेलाडीमा सीमित भएको थियो।
६०औं मिनेटमा सिटीले अग्रता लियो। जोस्को ग्वार्डियोलको क्रसमा एर्लिङ हालान्डले उत्कृष्ट फिनिसिङ गर्दै बललाई जाली चुमाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
