काठमाडौं– चेल्सी र हल सिटीले प्रिमियर लिगमा बराबरी खेलेका छन्।
चेल्सीको घरेलु मैदानमा शनिबार सम्पन्न खेलमा दुवै टोलीले २–२ को बराबरी खेलेका हुन्।
चेल्सीले खेलको सातौं मिनेटमै अग्रता लिए पनि हल सिटीले पहिलो हाफमै दुई गोल गर्दै २–१ को अग्रता बनाएको थियो। दोस्रो हाफमा चेल्सीले बराबरी गोल फर्काएपछि खेल २–२ मै सकिएको हो।
योसँगै यसै सिजिन प्रिमियर लिगमा उक्लिएको हल सिटी ४ खेलबाट २ जित र २ बराबरीसहित ८ अंक जोड्दै तेस्रो स्थानमा उक्लिएको छ। समान खेलबाट २ जित, १ बराबरी र १ हार बेहोरेको चेल्सी भने चौथो स्थानमा छ।
सातौं मिनेटमा मोर्गन रोजर्सले गोल गर्दै चेल्सीलाई १–० को अग्रता दिलाए। तर, २८ र ३४औं मिनेटमा मोहम्मद बेल्लोउमीले गोल गर्दै हल सिटीलाई २–१ को अग्रता दिलाए।
दोस्रो हाफमा चेल्सीले बराबरीका लागि प्रयास जारी राख्यो। ६६औं मिनेटमा जोआओ पेड्रोले कोल पाल्मरको पासमा गोल गरे। त्यससँगै खेल २–२ को अवस्थामा पुग्यो। बाँकी समयमा दुवै टोलीबाट थप गोल हुन नसकेपछि अंक बाँड्दै खेल सकियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
