नुवाकोट– राष्ट्रपति रामचन्द्र पौडेलले सोमबार भोटेकोशी नदीमा आएको बाढीबाट प्रभावित क्षेत्रको स्थलगत अवलोकन गरेका छन् ।
बाढीले पुर्याएको क्षति र पछिल्लो अवस्थाबारे बुझ्न राष्ट्रपति पौडेल प्रभावित क्षेत्रमा पुगेका हुन् ।
अवलोकनका क्रममा नुवाकोटको विदुरस्थित श्री नं १ सैन्य तालिम केन्द्रमा उनले जिल्लाका सुरक्षा निकायका प्रमुखहरू र अन्य सरोकारवालासँग वर्तमान अवस्थाबारे जानकारी लिएका थिए । सो अवसरमा राष्ट्रपति पौडेललाई बाढी प्रभावित क्षेत्रमा भइरहेको खोज तथा उद्धार कार्य, राहत वितरणको अवस्था, होल्डिङ सेन्टरको सञ्चालन र पुनरुत्थानका लागि भइरहेका प्रयासहरूबारे बिफ्रिङ गरिएको थियो ।
नुवाकोटका प्रमुख जिल्ला अधिकारी शम्भुप्रसाद रेग्मीका अनुसार नुवाकोटको स्थलगत अवलोकन र जानकारी लिने कार्य सम्पन्न गरी राष्ट्रपति पौडेल रसुवातर्फ लागेका छन् । बाढीले रसुवा र नुवाकोटका विभिन्न क्षेत्रमा क्षति पुर्याएपछि राष्ट्रपति पौडेलले स्थलगत रूपमै पुगेर चासो देखाएका हुन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
