काठमाडौं– नेकपा संयोजक पुष्पकमल दाहाल ‘प्रचण्ड’ले प्रधानमन्त्री बालेन्द्र शाहलाई अहिले देशको नेतृत्व गर्दै संकट समाधान गर्ने ठूलो अवसर रहेको बताएका छन् ।
बुधबार प्रतिनिधिसभाको बैठकमा बोल्दै उनले प्रधानमन्त्रीले सबैको विश्वास जितेर अघि बढ्नुपर्ने बताए । संकटको समयमा जनताले आश्वासन र सामाजिक सञ्जालका पोस्ट नभई मैदानमा सरकारको उपस्थिति खोजेको उनको भनाइ छ ।
‘देशले नेतृत्व खोजेको छ । जनताले आश्वासन होइन, सोसल मिडियामा पोस्ट होइन, मैदानमा सरकारको उपस्थिति खोजेका छन्,’ प्रचण्डले भने ।
संसद्लाई विश्वासमा लिनु भनेको प्रतिपक्षी सांसदलाई मात्र नभई आफ्नै दलका सांसदसहित सबैलाई विश्वासमा लिनु रहेको उनले बताए । प्रधानमन्त्रीले अरूका अनुभव र सुझावलाई समेत समेटेर अघि बढ्नुपर्ने उनको भनाइ छ ।
सबैको विश्वास जितेर संकटको नेतृत्व गर्न नसके अहिले प्राप्त अवसरले पनि प्रधानमन्त्रीलाई लामो समय नपर्खिने प्रचण्डले चेतावनी दिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
