काठमाडौं– जनमत पार्टीका अध्यक्ष डा.सिके राउतले आफ्नै पार्टीका तत्कालीन कोषाध्यक्ष सुरेन्द्रनारायण यादवमाथि लगाएको ठगीको मुद्दामा ललितपुर जिल्ला अदालतले सोमबार विपक्षमा फैसला सुनाएको छ ।
जिल्ला अदालतले सुरेन्द्रनारायण यादवलाई निर्दोष ठहर गरेको हो । न्यायाधीश हरिसिंह धामीको इजलासले दावी नपुग्ने फैसला सुनाएको हो ।
‘यस अदालतमा विचाराधीन मुद्दामा प्रस्तुत प्रमाण, बयान तथा कागजा तहरू समेतको आधारमा प्रतिवादी सुरेन्द्रनारायण यादवमाथि लागेको आरोप दाबी पुग्न नसकेको हुँदा निजलाई निर्दोष ठहर गरेको छ ’ फैसलामा भनिएको छ ।
जनमत पार्टीको रकममा हिनामिना गरेको आरोप उनीमाथि लगाइएको थियो । सुरेन्द्रनारायण यादवमाथि पार्टीको रकम हिनामिनाको आरोप लगाउँदै प्रहरीमा उजुरी पनि परेको थियो । जनमत पार्टीका तत्कालीन प्रवक्ता डा.शरदसिंह यादवले दिएको उजुरीको आधारमा प्रहरीले सुरेन्द्रनारायण यादवलाई पक्राउ पनि गरेको थियो ।
प्रहरीले छाडेपछि जनमत पार्टीका अध्यक्ष राउतले अदालतमा मुद्दा दायर गरेका थिए । कोषाध्यक्ष यादवमाथि चन्दा उठाएर व्यक्तिगत लाभ लिएको आरोप लागेको थियो ।
उनले विदेशमा रहेका कार्यकर्ताबाट उठाएको लेबीबाट काठमाडौँमा घर किन्नेदेखि जनकपुरमा व्यवसाय गरेकोसम्म आरोप लगाइएको थियो । करोडौँ रकम हिनामिना गरेको आरोपमा अध्यक्ष राउतले पार्टीमा पनि अनुशासनको कारबाही गरेका थिए।
७ वैशाख २०८२ मा ठगीको कसुरमा सप्तरीबाट प्रहरीले उनलाई पक्राउ गरेको थियो। यादव र उनी र उनकी श्रीमती ललिताकुमारी यादवविरुद्ध १ करोड ८५ लाख १ हजार रुपैयाँ बिगो असुल उपर गर्नुपर्ने माग गर्दै मुद्दा दायर भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
