काठमाडौँ – नेपाली काँग्रेसको १५औँ महाधिवेशनसम्बन्धी प्रक्रिया अघि नबढाउन माग गर्दै पूर्वसभापति शेरबहादुर देउवा पक्षले सर्वोच्च अदालतमा पूरक निवेदन पेस गरेको छ।
विशेष महाधिवेशनसँग जोडिएको विवादमा सर्वोच्च अदालतले पुनरावलोकनका लागि निस्सा प्रदान गरेपछि उक्त विषय न्यायिक निरूपणको प्रक्रियामा रहेको अवस्थामा महाधिवेशन आयोजना गर्न नहुने जिकिरसहित देउवा पक्षले नयाँ निवेदन दर्ता गराएको हो।
सर्वोच्च अदालतका सूचना अधिकारी तथा उपरजिस्ट्रार निराजन पाण्डेका अनुसार निवेदनमाथि आगामी ११ भदौमा सुनुवाइका लागि पेशी तोकिएको छ। देउवा पक्षको तर्फबाट अधिवक्ता श्रवणकुमार देवले वारेसमार्फत निवेदन दर्ता गराएका हुन्।
काँग्रेसको विशेष महाधिवेशनसम्बन्धी विवादमा सर्वोच्च अदालतले पुनरावलोकनको अनुमति दिएसँगै पार्टीभित्रको उक्त विषय पुनः अदालतमा विचाराधीन बनेको छ। सोही अवस्थालाई आधार बनाउँदै देउवा पक्षले पुनरावलोकन मुद्दाको अन्तिम टुंगो नलागेसम्म १५औँ महाधिवेशनको प्रक्रिया अघि बढाउन रोक लगाउन माग गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787645626.png)
-1787643624.jpg)
-1786602170.png)
-1786513116.png)
