१. बिहान : काठमाडौं छाडे
प्रधानमन्त्री बालेन्द्र शाह शुक्रबार बिहान सरकारी गाडीमार्फत काठमाडौं छाडेर मुस्ताङ यात्रामा निस्किए। उनको पहिलो गन्तव्य पोखरा रहेको थियो।
२. पृथ्वी राजमार्ग हुँदै धादिङतर्फ
काठमाडौं छाडेपछि उनी पृथ्वी राजमार्ग हुँदै धादिङ पुगे। प्रधानमन्त्रीको टोली धादिङको गजुरीस्थित भैरव दल गणमा केही समय रोकिए।
३. गजुरीमा केहीबेर रोकिए
भैरव दल गणमा केही समय बसेपछि प्रधानमन्त्री शाह पुनः पोखरातर्फ लागेका थिए। निजी भ्रमण भएकाले उनको यात्राबारे स्थानीय प्रशासनलाई समेत विस्तृत जानकारी दिइएको थिएन।
४. मुग्लिन हुँदै पोखरातर्फ
धादिङबाट उनी पृथ्वी राजमार्ग हुँदै मुग्लिनको बाटो भएर पोखरातर्फ अघि बढेको देखिन्छ। सामाजिक सञ्जालमा मुग्लिन पुग्दाको दृश्यसमेत सार्वजनिक भएको छ।
५. पोखरा पुगे
दिउँसो प्रधानमन्त्री शाह पोखरा पुगे। उनी पोखरामा लामो समय नबसी कास्कीको माछापुच्छ्रे गाउँपालिका–६ स्थित अस्तामतर्फ लागेका थिए।
६. अस्तामस्थित अन्नपूर्ण इकोभिलेज रिसोर्टमा पुगे
पोखराबाट उनी अस्तामस्थित अन्नपूर्ण इकोभिलेज रिसोर्ट पुगे। परिवारका सदस्यसहित गएका शाह शुक्रबार त्यहीँ बसेका छन् ।
७. अस्ताममा प्रधानमन्त्रीको आगमनले स्थानीय उत्साहित
प्रधानमन्त्री आफ्नै गाउँमा आएको खबर पाएपछि अस्तामका स्थानीय उत्साहित बने। स्थानीयले गाउँको सडक तथा खानेपानीको समस्या प्रधानमन्त्रीसमक्ष राख्न सकिने आशा व्यक्त गरेका छन्।
८. शनिबार मुस्ताङतर्फ जाने तयारी
आजको यात्रा मूलतः पोखरा हुँदै मुस्ताङ जाने क्रममा रहेको बताइएको छ। मुस्ताङमा मुक्तिनाथ दर्शन तथा पूजाआजा गर्ने तयारी रहेको प्रधानमन्त्रीको सचिवालयले जनाएको छ ।
९. भ्रमण निजी, औपचारिक कार्यक्रम सार्वजनिक छैन
प्रधानमन्त्री शाहको यो भ्रमणलाई निजी/पारिवारिक भ्रमण भनिएको छ। कास्की र मुस्ताङका प्रशासनिक अधिकारीहरूले समेत कुनै औपचारिक कार्यक्रमबारे जानकारी नभएको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
