काठमाडौं– सर्वोच्च अदालतले काठमाडौँको ऐतिहासिक सम्पदा काष्ठमण्डपमा राखिएका नयाँ मूर्तिहरू तत्काल हटाउन नपर्ने फैसला सुनाएको छ।
न्यायाधीशद्वय हरिप्रसाद फुँयाल र महेश शर्मा पौडेलको संयुक्त इजलासले पुराना ऐतिहासिक मूर्तिहरूको स्थानमा नयाँ मूर्ति प्रतिस्थापन गरिएको विषयमा परेको रिट खारेज गर्दै यस्तो आदेश दिएको हो।
पुनर्निर्माणका क्रममा सातौँ शताब्दीका पुराना मूर्तिहरू खण्डित भएको भन्दै पुरातत्व विभाग र पुनर्निर्माण समितिको निर्णयअनुसार नयाँ मूर्ति राखिएका थिए। पुराना मूर्तिहरू नै पुनःस्थापना गरिनुपर्ने माग गर्दै सर्वोच्चमा रिट दायर गरिएको थियो। अदालतले धार्मिक आस्था र पुरातात्विक विज्ञानबीचको सन्तुलनलाई ध्यानमा राख्दै प्राणप्रतिष्ठा भइसकेका नयाँ मूर्तिहरूलाई फेरि हटाउँदा धार्मिक संवेदनशीलता र द्वन्द्व बढ्न सक्ने ठहर गरेको छ।
फैसलामा राज्य सम्पदाको मालिक नभई केवल रक्षक मात्र भएको र यसको मौलिकता जोगाउनु राज्यको संवैधानिक दायित्व रहेको स्पष्ट पारिएको छ। साथै, आगामी दिनमा सम्पदा संरक्षण गर्दा मानिसको आस्थाको सम्मान र इतिहासको मौलिकता दुवै पक्षलाई सन्तुलनमा राख्न अदालतले सरकारका नाममा विभिन्न निर्देशनात्मक आदेशसमेत जारी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787297584.jpg)
-1786602170.png)
-1786513116.png)
