हुम्ला– खार्पुनाथ गाउँपालिका–१ सुनाखाडामा कर्णाली नदीमा पौडी खेल्ने क्रममा दुई बालबालिका बगेर बेपत्ता भएका छन्।
बिहीबार बेलुका नदी किनारमा पौडी खेल्ने क्रममा कर्णाली नदीको तीव्र बहावले खार्पुनाथ–१ तल्लोलालीका दुई बालबालिकालाई बगाएको जिल्ला प्रहरी कार्यालय हुम्लाले जनाएको छ।
बेपत्ता हुनेमा स्थानीय बृषबहादुर शाहीकी ११ वर्षीया छोरी अनु शाही र रामचन्द्र रावलका १२ वर्षीय छोरा प्रशान्त रावल रहेका छन्। उनीहरू दुवै जना मालिका माध्यमिक विद्यालयमा कक्षा ७ मा अध्ययनरत थिए।
कर्णाली प्रदेश स्थापना दिवसको सार्वजनिक बिदा परेकाले उनीहरू सुनाखाडा पुगेका थिए। नदी किनारमा खेल्ने क्रममा दुवै जनालाई कर्णाली नदीको तीव्र बहावले बगाएको हुम्ला प्रहरी कार्यलयबाट सुचना प्राप्त भएको छ।
घटनालगत्तै स्थानीयवासी र प्रहरीको टोलीले कर्णाली नदी किनार तथा आसपासका क्षेत्रमा खोजी अभियान सञ्चालन गरेको छ। तर नदीमा पानीको बहाव अत्यधिक रहेकाले खोजी कार्यमा कठिनाइ भइरहेको जिल्ला प्रहरी कार्यालय हुम्लाका प्रहरी कार्यललयले जानकारी दिएको छ।
बेपत्ता बालबालिकाको खोजी कार्य भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786602170.png)
-1786513116.png)
