काठमाडौं– शिक्षा तथा खेलकुदमन्त्री सस्मित पोखरेलले काठमाडौंका विभिन्न सामुदायिक विद्यालयमा आकस्मिक निरीक्षण गरेका छन्।
मन्त्री पोखरेलले विद्यालयको शैक्षिक अवस्था, भौतिक पूर्वाधार, शिक्षकको उपस्थिति तथा विद्यार्थीले भोगिरहेका समस्याबारे स्थलगत जानकारी लिन विद्यालयमा पुगेर अनुगमन गरेका हुन्।
अनुगमनका क्रममा केही विद्यालयमा भौतिक संरचनाको अवस्था कमजोर रहेको, शैक्षिक सामग्रीको अभाव तथा विद्यालय व्यवस्थापनमा समस्या रहेको पाइएको मन्त्रालयले जनाएको छ।
मन्त्री पोखरेलले विद्यालयका शिक्षक, विद्यार्थी तथा व्यवस्थापन पक्षसँग प्रत्यक्ष छलफल गरी समस्या र गुनासोबारे जानकारी लिएका थिए। विद्यार्थीहरूले पाठ्यपुस्तक, कक्षाकोठा, शौचालयलगायतका विषयमा समस्या रहेको गुनासो गरेका थिए।
मन्त्री पोखरेलले विद्यालयमा देखिएका समस्या समाधान गर्न सम्बन्धित निकायलाई निर्देशन दिँदै विद्यालय सञ्चालनमा लापरबाही नगर्न आग्रह गरेका छन्।
उनले सामुदायिक विद्यालयको शैक्षिक गुणस्तर सुधारका लागि नियमित अनुगमनलाई प्रभावकारी बनाउने बताएका छन्। मन्त्रालयले आगामी दिनमा पनि विद्यालयहरूको स्थलगत अनुगमनलाई निरन्तरता दिने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
