काठमाडौं– राष्ट्रिय स्वतन्त्र पार्टी (रास्वपा)की सांसद आशिका तामाङले अब आफू झट्ट नरिसाउने, मर्यादामा बस्ने र अनुशासन पालना गर्ने प्रयास गर्ने बताएकी छन्।
सामाजिक सञ्जाल फेसबुकमा पोस्ट गर्दै सांसद तामाङले लेखेकी छन्,‘अबदेखि म झट्ट नरिसाउने, मर्यादामा बस्ने र अनुशासन पालन गर्ने आशिका बन्ने कोसिस गर्छु ।’
प्रतिनिधि सभाको मंगलबार बसेको बैठकमा तामाङले परराष्ट्रमन्त्री शिशिर खनालबाट कम्बोडियामा निधन भएका धादिङका सन्तोष राईको शव ल्याउने विषयमा चित्तबुझ्दो जवाफ नआएको गुनासो गरेकी थिइन्।
त्यसपछि उनले थप प्रश्न सोध्न खोजेकी थिइन्। तर, सभामुख डोलप्रसाद अर्यालले समय दिन अस्वीकार गरेका थिए। त्यसपछि उनी संसद् बैठकबाट फन्किएर बाहिरिएकी थिइन्।
सो लगत्तै उनले सामाजिक सञ्जालमा लेखेकी थिइन्,‘परराष्ट्रमन्त्री रोस्ट्रममा उभिएरका छन् प्रश्नोत्तर गर्न भनेर। बेवारिसे लास ल्याउने बिषयमा मन्त्रीले उही आनाकानी जवाफ दिएपछि मैले प्रश्न सोध्न नपाउने यो कस्तो सदन हो ??? किन बेवारिसे लास को नाममा छुट्टाएको १५ करोड बजेट ?’
बुधबार सञ्चारकर्मीले सोबारे प्रश्न गर्दा उनले आफू पिसाब लागेर बाहिरिएको तर्क गरेकी थिइन्। बेलुका सामाजिक सञ्जालमा उनले फेरि आफू नरिसाएको तर्क गरेकी थिइन्। उनले लेखेकी थिइन्,‘खासमा म रिसाएको जस्तो लाग्दैन। तर‚ पछि भिडियोमा हेर्दा आफैं डर लाग्छ कस्तो रिसाको अनुहार आउनेरहेछ।’
उनको उक्त पोस्टमा विभिन्न प्रतिक्रिया आएपछि तामाङले आफ्नै कमेन्टमार्फत पनि आफ्नो शैलीमा जवाफ दिएकी छन्। उनले आफूलाई ध्यान दिनुपर्ने भन्दै लेखेकी छिन्,‘रिस नै उठ्नु नपर्ने हो तर मेरोमा त किन उल्टो होला ?’
त्यस्तै, अर्को कमेन्ट्मा उनले फेरि लेखेकी छन्,‘खासमा रिस उठ्ने मान्छे नै होइन म प्रतिपक्षबाट हेपेर, हेपेर बोल्नु हुन्छ, अनि के हुन्छ हुन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
