काठमाडौं– प्रधानमन्त्री बालेन्द्र शाहले चालु आर्थिक वर्षमा सरकारका मुख्य काम र अपेक्षित उपलब्धि हासिल गर्न मन्त्रीहरू तथा मुख्यसचिवसँग कार्यसम्पादन सम्झौता गरेका छन्।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजित कार्यक्रममा प्रधानमन्त्री शाह र सम्बन्धित मन्त्रीहरूले कार्यसम्पादन सम्झौतामा हस्ताक्षर गर्दै सम्झौतापत्र आदानप्रदान गरेका हुन्।
सम्झौतामा सुशासन, सामाजिक न्याय र समृद्धिसँग सम्बन्धित मुख्य काम तथा उपलब्धिलाई प्राथमिकतामा राखिएको जनाइएको छ।
प्रधानमन्त्री शाहले सरकारका लक्ष्यलाई प्रभावकारी रूपमा कार्यान्वयन गर्दै परिणाममुखी सेवा प्रवाहमा जोड दिएका छन्। सम्झौतामार्फत मन्त्रीहरूको जिम्मेवारी र चालु आर्थिक वर्षमा हासिल गर्नुपर्ने उपलब्धिलाई स्पष्ट पारिएको छ।
यसै क्रममा प्रधानमन्त्री शाहसँग नेपाल सरकारका मुख्यसचिव गोविन्दबहादुर कार्कीले पनि कार्यसम्पादन सम्झौता गरेका छन्।
सरकारले कार्यसम्पादन सम्झौतामार्फत मन्त्रालय र उच्च प्रशासनिक तहलाई थप जिम्मेवार बनाउँदै तोकिएका लक्ष्यअनुसार कामको मूल्यांकन गर्ने तयारी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
