काठमाडौं– राष्ट्रिय प्रजातन्त्र पार्टी (राप्रपा) ले बागमती प्रदेशसभामा नेकपा एमालेका किरण थापालाई मुख्यमन्त्रीमा समर्थन गरिएको भनिएको पत्रमा आफ्नो सहमति नरहेको स्पष्ट पारेको छ।
महामन्त्री एवं सचिवालय प्रमुख राजेन्द्र गुरुङले बागमती प्रदेशका प्रदेश प्रमुखलाई पत्र लेख्दै उक्त पत्रलाई मान्यता प्रदान नगर्न अनुरोध गरेका छन्।
त्यस्तै राप्रपा अध्यक्ष राजेन्द्र लिङ्देनले बागमतीमा नेकपा एमालेका किरण थापालाई मुख्यमन्त्री बनाउन समर्थन गर्ने राप्रपा सांसदहरूमाथि कारबाहीको चेतावनी दिएका छन्।
उनले सरकार निर्माण प्रक्रियामा राप्रपाले कुनै दललाई समर्थन नगरेको बताए।
‘वागमती प्रदेशसभामा सरकार निर्माण प्रक्रियामा राप्रपाको कुनै दललाई समर्थन छैन। मुख्यमन्त्रीका लागि नेकपा एमालेका किरण थापाको समर्थनमा बुझाइएको पत्र पार्टी निर्णय विपरित हो। उक्त विषय हामीले प्रदेश प्रमुख समक्ष जानकारी गराइसकेका छौँ,’ उनले भने, ‘पार्टीको निर्णय विपरित क्रियाकलापमा संलग्नहरूलाई अनुशासनको कारबाही प्रक्रिया प्रारम्भ भइसकेको छ।’
आज एमालेका थापाले एमाले, नेकपा र राप्रपासहितको समर्थनमा मुख्यमन्त्रीमा दाबी पेस गरेका थिए। बागमतीमा राप्रपाका १२ जना सांसद छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
