काठमाडौँ – कोशी प्रदेश सरकारले आन्तरिक मामिला तथा कानुनमन्त्री गोम्बु शेर्पालाई प्रदेश सरकारको प्रवक्ताको जिम्मेवारी दिएको छ।
नयाँ मन्त्रिपरिषद् गठनपछि बुधवार बसेको पहिलो मन्त्रिपरिषद् बैठकले शेर्पालाई सरकारको आधिकारिक प्रवक्ताका रूपमा तोकेको हो।
सरकारका निर्णय तथा समसामयिक विषयमा प्रदेश सरकारको संस्थागत धारणा सार्वजनिक गर्ने जिम्मेवारी अब उनले सम्हाल्नेछन्।
बैठकले मुख्यमन्त्री सम्मेलन आयोजना गर्ने तयारीसम्बन्धी कार्यलाई समेत अघि बढाउने निर्णय गरेको छ। त्यसका लागि सम्मेलनको अवधारणा पत्र स्वीकृत गर्दै आवश्यक तयारी अघि बढाउने निर्णय मन्त्रिपरिषद्ले गरेको हो।
यसैगरी प्रदेश सरकारले प्रशासनिक तथा नीतिगत कामलाई व्यवस्थित गर्न तीनवटा छुट्टाछुट्टै समिति गठन गर्ने निर्णयसमेत गरेको छ। समितिहरूको कार्यक्षेत्र र जिम्मेवारीअनुसार आगामी काम अघि बढाइने जनाइएको छ।
नयाँ मन्त्रिपरिषद् विस्तारपछिको पहिलो बैठकबाट प्रवक्ता तोक्नुका साथै मुख्यमन्त्री सम्मेलन र समिति गठनसम्बन्धी निर्णय भएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
