काठमाडौं– राष्ट्रिय स्वतन्त्र पार्टी (रास्वपा) भित्र सरकार र आफ्नै सांसदहरूबिच असमझदारी एवं दूरी बढ्दै गएपछि त्यसलाई साम्य पार्न आज शीर्ष नेतृत्वले मन्त्री र सांसदहरूलाई सँगै राखेर विशेष छलफल गर्ने भएको छ।
सिंहदरबारस्थित संसदीय दलको कार्यालयमा बिहान ११ बजे बस्ने बैठकमा पार्टी सभापति रवि लामिछानेले संसदीय अनुशासन र मर्यादाका विषयमा स्पष्ट निर्देशन दिने कार्यक्रम छ ।
संसदीय दलको बैठकमा पछिल्लो समय सरकार र पार्टीका सांसदहरूबिच बढ्दै गएको अविश्वास, संसद्मा प्रस्तुत हुने शैली र सार्वजनिक गतिविधिबारे गम्भीर समीक्षा हुने एक नेताले जानकारी दिए । विशेष गरी संसद्मा सांसदहरूले प्रयोग गर्ने भाषा र व्यवहार मर्यादित हुन नसकेको गुनासो बढेपछि अनुशासन उल्लङ्घन गर्ने सांसदहरूलाई सचेत गराउने तयारी पार्टीको छ ।
यसअघि मङ्गलबार बसेको प्रतिनिधिसभा बैठकमा परराष्ट्रमन्त्री शिशिर खनालले दिएको जवाफप्रति असन्तुष्टि जनाउँदै रास्वपा सांसद आशिका तामाङले पुनः प्रश्न गर्न खोजेकी थिइन् । तर सभामुख डीपी अर्यालले संसदीय मर्यादा र गरिमाको ख्याल गर्न भन्दै समय नदिएपछि सांसद तामाङ आक्रोशित बनेर बैठक कक्षबाट बाहिरिएकी थिइन् । आफ्नै दलका मन्त्री र सभामुखसँग सांसदहरूको खिचातानी बढेपछि रास्वपाले आन्तरिक अनुशासन कायम राख्न यो कदम चालेको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790143139.jpeg)
-1786602170.png)
-1789631269.jpg)
