काठमाडौं – लोकसेवा आयोगले विभिन्न सेवा तथा समूहअन्तर्गत उपसचिव तहमा २८ जना उम्मेदवारलाई बढुवा नियुक्तिका लागि सिफारिस गरेको छ।
आयोगको अन्तर्वार्ता तथा सिफारिस शाखाले सार्वजनिक गरेको सूचनाअनुसार नेपाल प्रशासन सेवा, सामान्य प्रशासन समूह, राजस्व, लेखा, न्याय, सरकारी वकिल तथा परराष्ट्र सेवातर्फका उम्मेदवारलाई सिफारिस गरिएको हो।
आयोगका अनुसार लिखित परीक्षाबाट अन्तर्वार्ताका लागि छनोट भएका २८ जना उम्मेदवार अन्तर्वार्तामा सहभागी भएका थिए।
लिखित परीक्षा र अन्तर्वार्तामा प्राप्त गरेको कुल प्राप्ताङ्कका आधारमा उम्मेदवारहरूको योग्यताक्रम निर्धारण गरी बढुवा नियुक्तिका लागि सम्बन्धित मन्त्रालयमा सिफारिस गरिएको आयोगले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
