काठमाडौं –चिनीको सहज आपूर्तिका सम्बन्धमा छलफल गर्ने गरी तय भएको संसदीय समितिको बैठक स्थगित भएको छ ।
प्रतिनिधिसभा अन्तर्गत्को उद्योग तथा वाणिज्य र श्रम तथा उपभोक्ता हित समितिले यो विषयमा छलफल गर्न आज बिहान १० बजे बैठक राखेको थियो ।
बजारमा चिनीको सहज आपूर्तिका विषयमा देखिएका समस्या र समाधानका उपायबारे सरोकारवालाहरूसँग छलफल गर्न समितिले आजको बैठक बोलाएको थियो। बैठकमा छलफलका लागि उद्योग, वाणिज्य तथा आपूर्ति मन्त्रालयका मन्त्री र सचिवलाई समेत आमन्त्रण गरिएको थियो ।
समितिका शाखा अधिकृत प्रबल पौडेलले एक सूचना जारी गर्दै विशेष कारणवश बैठक स्थगित भएको जानकारी दिएका छन् । सूचनामा भनिएको छ, ‘समितिको मिति २०८३/०५/०१ गते सोमबार बिहान १० बजेका लागि निर्धारित बैठक विशेष कारणवश स्थगित भएको ब्यहोरा समितिका माननीय सदस्यहरूको जानकारीको लागि अनुरोध छ ।’
पछिल्लो समयमा चिनी मूल्यवृद्धि भएको छ । यसप्रति उद्योगी र व्यापारी आरोप–प्रत्यारोपमा रहेका छन् । तर मूल्यवृद्धिले उपभोक्ता मारमा परेका छन् । खुद्रा बजारमा प्रतिकिलो ९५ रुपैयाँ रहेको चिनीको मूल्य १ सय २० सम्म पुगेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
