बैतडी– सुदूरपश्चिम भ्रमणका क्रममा रहेका पूर्वाधार विकास मन्त्री सुनिल लम्सालको स्वास्थ्यमा अचानक समस्या देखिएको छ। शनिबार दार्चुला हुँदै बैतडीको गोठालापानी पुगेका उनलाई भाइरल ज्वरोसँगै रुघाखोकीको संक्रमण देखिएपछि त्यहीँ आराम गराइएको छ।
स्वास्थ्यमा समस्या देखिएपछि जिल्ला अस्पतालका एमडीजीपी डा. पविन उपाध्यायले बिहान मन्त्री लम्सालको स्वास्थ्य परीक्षण गरेका थिए। परीक्षणपछि उनलाई भाइरल ज्वरो र रुघाखोकीको सामान्य समस्या देखिएको चिकित्सकले बताएका छन्।
मन्त्री लम्साललाई थप उपचार तथा निगरानीका लागि काठमाडौं ल्याउने तयारी भइरहेको छ। नेपाली सेनाका प्रवक्ता तथा सहायक रथी राजाराम बस्नेतका अनुसार उनलाई लिन सुर्खेतबाट नेपाली सेनाको हेलिकप्टर बैतडीका लागि उडिसकेको छ।
सुदूरपश्चिम भ्रमणका क्रममा रहेका मन्त्री लम्सालको स्वास्थ्यमा समस्या आएपछि उनको भ्रमणसमेत प्रभावित भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791520578.jpg)
-1786602170.png)
