काठमाडौं– खाना पकाउने ग्यासको अभाव झेलिरहेका उपभोक्तालाई राहत दिन नेपाल आयल निगमले भोलि आइतबार (३१ साउन) काठमाडौं उपत्यकाका विभिन्न ७ स्थानबाट ग्यास सिलिन्डर बिक्री वितरण गर्ने भएको छ।
जिल्ला प्रशासन कार्यालय काठमाडौं र नेपाल आयल निगमको समन्वयमा ग्यास उद्योगीहरूले तोकिएका बिक्री केन्द्रबाट उपभोक्तालाई ग्यास उपलब्ध गराउने निगमले जनाएको छ।
यी हुन् ग्यास वितरण हुने ७ स्थान
१. निगमको टेकु परिसर
नेपाल, एचपी, एभरेस्ट/सुगम, श्रीराम र सगर ब्रान्डका ग्यास बिक्री हुनेछन्।
२. पशु सेवा शाखा, चपली–बुढानीलकण्ठ
नेपाल, एचपी र भानु ब्रान्डका ग्यास उपलब्ध हुनेछन्।
३. राधास्वामी, कीर्तिपुर परिसर
नेपाल, एचपी, एभरेस्ट/सुगम, श्रीकृष्ण, साईबाबा र श्रीमाया ब्रान्डका ग्यास बिक्री हुनेछन्।
४. नयाँ बजार जुद्धशाल परिसर
नेपाल, एचपी र ओम ब्रान्डका ग्यास उपलब्ध हुनेछन्।
५. तारकेश्वर नगरपालिकाको परिसर
नेपाल र एचपी ब्रान्डका ग्यास बिक्री गरिनेछ।
६. चन्द्रागिरि नगरपालिकाको कार्यालय
लोकप्रिय, नेपाल, एचपी र श्रीमाया ब्रान्डका ग्यास उपलब्ध हुनेछन्।
७. राष्ट्रिय क्षयरोग केन्द्र, ठिमी
नेपाल, एचपी, सूर्य, सगर, एभरेस्ट/सुगम र एसटीसी ब्रान्डका ग्यास बिक्री हुनेछन्।
नागरिकता वा राष्ट्रिय परिचयपत्र अनिवार्य
निगमका अनुसार तोकिएका बिक्री केन्द्रबाट ग्यास लिन अत्यावश्यक भएका उपभोक्ताले आफ्नो नागरिकता वा राष्ट्रिय परिचयपत्र साथमा लैजानुपर्नेछ। ग्यास बिक्री बिहान ११ बजेदेखि साँझ ५ बजेसम्म हुनेछ।
निगमले ग्यासको आपूर्ति नियमित रूपमा भइरहेको जनाएको छ। साथै, उद्योगहरूलाई तोकिएको बिक्री केन्द्रमा नियमित रूपमा ग्यास उपलब्ध गराउन निर्देशन दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786800305.jpg)
-1786801195.jpg)
-1786800311.jpg)
-1786602170.png)
-1786513116.png)
