काठमाडौ– अभियन्ता दुर्गा प्रसाईंले पीडित, शोषित तथा उत्पीडित नागरिकको हकहितलाई केन्द्रमा राखेर नयाँ राजनीतिक पार्टी गठन गर्ने बताएका छन्।
उनले २००४ सालदेखि २०८२ सालसम्म विभिन्न पार्टी दर्ता भए पनि गरिब, भूमिहीन, सुकुम्बासी तथा लघुवित्त, सहकारी, बैंक र मिटरब्याजको चपेटामा परेका नागरिकको जीवनस्तरमा अपेक्षित परिवर्तन आउन नसकेको दाबी गरेका छन्।
राप्रपा त्यागेर नयाँ अभियानमा जोडिएका नेताहरू तथा अभियन्ताहरूलाई सम्बोधन गर्दै उनले अब बन्ने पार्टी सबै नेपाली नागरिक, जातजाति र धर्मको साझा पार्टी हुने बताएका हुन्।
उनका अनुसार नयाँ पार्टी वैदिक सनातनी हिन्दु अधिराज्यसहित पीडित, शोषित तथा उत्पीडित वर्गको हक, अधिकार र न्यायका लागि समर्पित हुनेछ।
उनले पार्टी गठनको तयारी अन्तिम चरणमा रहेको बताउँदै केही समय धैर्य गर्न आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
