काठमाडौं– लोक सेवा आयोगले तीन जनालाई सचिवमा बढुका लागि सिफारिस गरेको छ । बिहीबार सिंहदरबारमा बसेको बढुवा सिफारिस समितिको बैठकले तीन जनालाई सचिव बढुवाका लागि सिफारिस गरेको हो ।
बैठक लोक सेवा आयोगका कार्यवाहक अध्यक्ष माधव बेल्बासेको अध्यक्षतामा बसेको थियो । बैठकले कमलप्रसाद भट्टराई, इन्दु घिमिरे र श्रीकृष्ण नेपाललाई क्रमशः पहिलो, दोस्रो र तेस्रो नम्बरमा सचिव बढुवाका लागि सिफारिस गरेको हो।
पहिलो नम्बरमा सिफारिस भएका भट्टराई हाल बागमती प्रदेशको कायम मुकायम प्रदेश प्रमुख सचिवका रूपमा कार्यरत छन्। दोस्रो नम्बरमा रहेकी घिमिरे संस्कृती, पर्यटन तथा नागरिक उड्डयन मन्त्रालयमा कार्यरत छिन्। र, तेस्रो नम्बरमा सिफारिस भएका नेपालको दरबन्दी अर्थ मन्त्रालयमा छ भने उनी हाल एसियाली विकास बैंक (एडीबी)को मनिला कार्यालयमा कार्यरत छन्।
अब बस्ने मन्त्रिपरिषद् बैठकले समितिबाट सिफारिस भएका भट्टराई, घिमिरे र नेपालमध्ये एक जनालाई सचिव (विशिष्ट श्रेणी)मा बढुवा गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
