काठमाडौं– गत फागुनमा भएको आमनिर्वाचनले संघीय सत्ताका लागि भागबन्डाको राजनीति अन्त्य भए पनि सत्तामा भागबन्डाको राजनीति प्रदेशतिर सरेको छ। विगतमा झैँ प्रदेश सरकार निर्माणका लागि भागबन्डाबारे मंगलबार नेकपा एमालेका अध्यक्ष केपी शर्मा ओली र नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’बीच पाँचबुँदे सहमति भएको छ।
उनीहरूबीच यही साउन ९ गते यसबारे भएको तीनबुँदे सहमति कार्यान्वयन नभएपछि सोही सहमति कार्यान्वयनका लागि मंगलबार पाँचबुँदे निर्देशन जारी गरिएको छ।
सहमतिअनुसार सरकार गठन र मन्त्रालय बाँडफाँटको मोडलबारे उनीहरूले पार्टीको तल्लो इकाइलाई सर्कुलर जारी गरेका छन्।
भागबन्डाका लागि प्रदेशसभामा दलहरूको सिट संख्यालाई मुख्य आधार बनाउने सम्झौता गरेका छन् भने मुख्यमन्त्री र सभामुखको जिम्मेवारीलाई समेत समग्र राजनीतिक शक्ति सन्तुलनमा गणना गरिने भनेका छन्।
मन्त्रालय बाँडफाँट गर्दा पालैपालो प्राथमिकता दिने, सरकार गठनका लागि दुई दलको मात्र आवश्यक संख्या नपुग्ने प्रदेशमा तेस्रो दललाई सहभागी गराउँदा आपसी समझदारीमा मन्त्रालय बाँडफाँट गर्ने सहमति पनि गरिएको छ।
राजनीतिक स्थिरता, सुशासन, समृद्धि र प्रादेशिक विकासको गतिलाई तीव्र बनाउन प्रदेश सरकारका लागि न्यूनतम साझा प्रतिबद्धता निर्माण गरी सार्वजनिक गर्ने र त्यसैका आधारमा कार्यसम्पादन गर्ने सहमतिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
