काठमाडौं– सम्पत्ति शुद्धीकरणको अभियोगमा मुद्दा दायर गरिएका व्यवसायी शेखर गोल्छाको विशेष अदालतमा बयान सुरु भएको छ।
विशेष अदालतका अध्यक्ष वासुदेव आचार्य र सदस्यद्वय हेमन्त रावल र विदुर कोइरालाको इजलासमा बयान चलिरहेको छ। बयानपछि आजै थुनछेकसम्बन्धी बहस सुरु हुनेछ।
थुनछेक बहस सकिएपछि आजै पुर्पक्षका निम्ति थुनामा, धरौटी वा साधारण तारिखबारे अदालतले निर्णय गर्नेछ।
गोल्छा जोडिएको यो मुद्दामा दीपक भट्ट, शुलभ अग्रवालसहित ३४ जना र पाँच कम्पनीलाई प्रतिवादी बनाइएको छ।
सम्पत्ति शुद्धीकरण निवारण ऐन, २०६४ अन्तर्गत दायर यो मुद्दामा गोल्छाविरुद्ध ५२ करोड ५० लाख रुपैयाँबराबरको बिगो दाबी गरिएको छ।
भट्टविरुद्ध २६ अर्ब ६३ करोड २७ लाख ७१ हजार ५९ रुपैयाँ ६८ पैसाबराबरको बिगो दाबी गरिएको छ। अग्रवालविरुद्ध २५ अर्ब ५९ करोड २० लाख ६ हजार १२४ रुपैयाँ ३१ पैसाबराबरको बिगो मागदाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786437116.jpg)
-1764146706.png)
-1786184812.png)
