काठमाडौं– काठमाडौँ विश्वविद्यालय (केयू) केही दिनमै उपकुलपति पाउने भएको छ। सरकारले उपकुलपति नियुक्त गर्ने तयारी गरेको छ।
शिक्षा तथा खेलकुदमन्त्री सस्मित पोखरेलको नेतृत्वमा गठित छनोट समितिले केयूको उपकुलपतिका लागि तीन जनाको नाम सिफारिश गरेको छ। समितिले सिफारिश गरेको नाम सोमबार केयूका कुलपति एवं प्रधानमन्त्री वालेन्द्र शाहलाई पठाएको शिक्षा मन्त्रालयले स्रोतले जानकारी दिएको छ।
‘केयूको उपकुलपतिका लागि तीन जनाको नाम टुंगो लागेर प्रधानमन्त्रीको कार्यालय पठाइसकेका छौँ। कुलपति समेत रहनु भएका प्रधानमन्त्रीले अध्ययन गरेर तीन जनामध्ये एक जनालाई नियुक्त गर्नुहुन्छ,’ शिक्षा मन्त्रालयले स्रोतले नेपालखबरलाई भन्यो, ‘अब केही दिनमा नियुक्ति गर्ने सम्भावना छ।’
शिक्षामन्त्री पोखरेल नेतृत्वको छनोट समितिले केयूको उपकुुलपतिका लागि प्रा.डा. बालचन्द्र लुईटेल, प्रा.डा. विवेक बराल र प्रा.डा. विकास नकर्मीको नाम सिफारिश गरेको छ। लुईटेल र बराल केयूमै कार्यरत छन् भने नकर्मी चीनको विश्वविद्यालयमा प्राध्यापन गर्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
