काठमाडौं– नेपाल टेलिभिजन र रेडियो नेपाल एकीकृत भई बनेको सार्वजनिक सेवा प्रसारण (पिएसबी) नेपालकी नवनियुक्त कार्यवाहक अध्यक्ष उर्वशी बस्न्यातले शुक्रबारबाट आफ्नो जिम्मेवारी सम्हालेकी छन्।
पदबहाली गर्दै बस्न्यातले पिएसबीले सुशासनलाई प्राथमिकता दिँदै जनअपेक्षाअनुसारका सामग्री उत्पादन तथा प्रसारण गर्ने प्रतिबद्धता जनाइन्।
उनले नागरिकका अपेक्षाअनुसार सूचना, समाचार तथा कार्यक्रमको उत्पादन र प्रसारणलाई प्राथमिकतामा राख्नुपर्ने बताइन्।
चुनौतीका बीच पनि अवसरको उपयोग गर्दै नेपाल टेलिभिजन र रेडियो नेपालका समाचार तथा कार्यक्रमका विषयवस्तु र प्रविधिमा महत्वपूर्ण सुधार गर्दै अघि बढ्ने प्रतिबद्धता उनले व्यक्त गरिन्।
पदबहाली कार्यक्रममा पिएसबी नेपालकी कामु प्रमुख प्रशासकीय अधिकृत आरती चटौतले संस्थाभित्रका जटिलता समाधान गर्दै पिएसबीले राज्य र नागरिकप्रतिको आफ्नो जिम्मेवारी पूरा गर्ने बताइन्।
गत असार ३२ गतेको सूचना तथा सञ्चार मन्त्रीस्तरीय निर्णयबाट पिएसबीको सञ्चालक समिति बैठकको अध्यक्षता गर्ने गरी सदस्यमा नियुक्त बस्न्यातलाई यही असार २१ गतेदेखि लागू हुने गरी कार्यवाहक अध्यक्षको जिम्मेवारी दिइएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
