काठमाडौं– नेपाली कांग्रेसका नेता शेखर कोइरालाले विराटनगरस्थित कोइराला निवासको पुनर्निर्माण तथा मर्मतका लागि नेपाल सरकारले विनियोजन गरेको २ करोड रुपैयाँ नलिने निर्णय गरेका छन् ।
जेन-जी आन्दोलनका क्रममा २०८२ भदौ २४ मा कोइराला निवासमा आगजनीबाट क्षति पुगेको थियो । कोइराला निवासको पुनर्निर्माण तथा मर्मतका लागि सरकारले छुट्याएको रकम स्वीकार नगर्ने निर्णय गरेका हुन् ।
उनले उक्त रकम लिन आफू नैतिक रूपमा असमर्थ रहेको जनाउँदै बजेट फिर्ता गर्न संस्कृति, पर्यटन तथा नागरिक उड्डयन मन्त्रालयलाई पत्र पठाएका छन् ।
२०८३/८४ को बजेटमार्फत संस्कृति, पर्यटन तथा नागरिक उड्डयन मन्त्रालयले कोइराला निवासको पुनर्निर्माण तथा मर्मतका लागि २ करोड रुपैयाँ विनियोजन गरेको थियो ।
मन्त्रालयलाई पठाएको पत्रमा उनले आगजनीबाट कोइराला निवासमा क्षति पुगेको विषय यथार्थ भए पनि त्यसको पुनर्निर्माणका लागि राज्यबाट छुट्याइएको रकम आफूले स्वीकार गर्न नसक्ने उल्लेख गरेका छन्। उनले सो रकम अन्य सार्वजनिक आवश्यकता वा प्राथमिकताका क्षेत्रमा उपयोग गर्न सरकारलाई आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
