काठमाडौँ – देशका विभिन्न क्षेत्रमा देखिएको तनावपूर्ण अवस्थाबीच सामाजिक सद्भाव कायम राख्ने उद्देश्यले राष्ट्रिय स्वतन्त्र पार्टी (रास्वपा)का सभापति रवि लामिछानेले धार्मिक समुदायका अगुवासँग छलफल सुरु गरेका छन्।
शुक्रबार सिंहदरबारस्थित रास्वपा संसदीय दलको कार्यालयमा आयोजित बैठकमा सभापति लामिछानेले मुस्लिम समुदायका धर्मगुरुहरू मौलाना नरुल हुसेन र मौलाना मोहम्मद खालिदका साथै विश्व हिन्दु महासंघका महासचिव रामचन्द्र तिवारी र सचिवालय सदस्य राजुराज फुयालसँग एकसाथ संवाद गरेका हुन्।
छलफलका क्रममा सुनसरी, सिराहालगायत विभिन्न जिल्लामा भइरहेका प्रदर्शनलाई शान्तिपूर्ण ढंगले व्यवस्थापन गर्न तथा सामाजिक सद्भाव कायम राख्न समुदायस्तरबाट सकारात्मक भूमिका निर्वाह गर्न धार्मिक अगुवाहरूलाई आग्रह गरिएको रास्वपाले जनाएको छ।
छलफलका क्रममा देवानगञ्ज घटनामा ज्यान गुमाएका ओमप्रकाश मेहता, जयप्रकाश मेहता र गोलबजार झडपमा ज्यान गुमाएका १५ वर्षीय किशोर गणेश यादवसहित मृतकहरूप्रति दुःख व्यक्त गर्दै सद्भाव कायम राख्ने विषयमा विचार-विमर्श भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
