काठमाडौं– जम्मू–कश्मीरको अनन्तनागस्थित लाल चौक क्षेत्रमा बुधबार आतंककारीहरूले प्रहरीमाथि आक्रमण गरेका छन्। उक्त आक्रमणमा ३५ वर्षीय हेड कन्स्टेबलको मृत्यु भएको छ।
अधिकारीहरूका अनुसार दिउँसो करिब १२:३० बजे अमरनाथ यात्राको सुरक्षा ड्युटीमा खटिएका प्रहरीमाथि आतंककारीहरूले एक्कासी गोली प्रहार गरेका थिए।
सुरक्षाकर्मीहरूले पनि जवाफी कारबाही गरेपछि दुवै पक्षबीच केही समय गोली हानाहान भएको थियो। यस क्रममा हेड कन्स्टेबल आशिक हुसेन कुरैशी गम्भीर घाइते भएका थिए।
उनलाई तत्काल सरकारी मेडिकल कलेज (GMC) अस्पताल लगिएको थियो, जहाँ चिकित्सकहरूले मृत घोषणा गरेका हुन्।
आक्रमणपछि आतंककारीहरू घटनास्थलबाट फरार भएका छन्। द रेजिस्टेन्स फ्रन्ट (TRF) ले आक्रमणको जिम्मेवारी लिएको जनाएको छ। गोलीबारी भएको स्थान सहरको मुख्य बजार क्षेत्र भएकाले सामान्य दिनहरूमा पनि त्यहाँ उल्लेख्य भीडभाड रहने गर्दछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
