काठमाडौं – नेपाली कांग्रेसले बीपी स्मृति दिवसको दिन साउन ६ गते ५ किलोमिटरको ‘ग्रिन रन’ आयोजना गर्ने भएको छ ।
कांग्रेस सभापति गगन थापाले सामाजिक सञ्जाल फेसबुकमा ‘ग्रिन रन’ प्रतियोगितामा सहभागी हुन आम नागरिकलाई निमन्त्रणा गरेका हुन् ।
जलवायु परिवर्तनसम्बन्धी जनचेतना जगाउने उद्देश्यका साथ यो कार्यक्रम आयोजना गर्न लागिएको उनले जानकारी दिएका छन् ।
सार्वजनिक सन्देशमा सभापति थापाले लेखेका छन्, ‘यही श्रावण ६ गते बीपी स्मृति दिवसको उपलक्ष्यमा नेपाली कांग्रेसको आयोजनामा ५ किलोमिटर ग्रिन रन हुँदैछ। म पनि दौडँदै छु, तपाईँलाई पनि दौडनका लागि निम्तो छ। आउनुस् सँगै दौडौँ, जलवायु जनचेतना जगाउने अभियानमा सहभागी बनौँ,’ थापाले भिडियो सन्देशमा भनेका छन् । ‘जलवायु जनचेतना जगाउन जुटौँ’ भन्ने नाराका साथ कार्यक्रम आयोजना हुने थापाले उल्लेख गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
