काठमाडौँ– जिल्ला प्रहरी कार्यालय चितवनले सांसद खुस्बु ओलीलाई सामाजिक सञ्जालबाट धम्की दिने तथा दुर्व्यवहार गरेको अभियोगमा दुई जनालाई पक्राउ गरेको छ ।
सांसद ओलीलाई सामाजिक सञ्जाल फेसबुकबाट चरित्र हत्या गर्ने किसिमको पोष्ट गरेका भरतपुर १६ घर भएका तेजेन्द्रप्रसाद पौडेल र बुटवल घर भएर नारायणगढमा व्यवसाय गर्दै आएका अभि घिमिरेलाई पक्राउ गरिएको हो ।
पौडेल राष्ट्रिय स्वतन्त्र पार्टीका कार्यकर्ता हुन् । उनीहरूविरुद्ध काठमाडौँ साइबर अपराधमा परेको उजुरीलाई साइबर अपराध ब्युरोले पहिचान गरेर चितवन पठाएपछि पक्राउ गरिएको हो ।
पक्राउ परेकाहरूलाई विद्युतीय कारोबार ऐन अन्तर्गत म्याद थप गरी थप अनुसन्धान गरेर कार्यवाही प्रक्रिया अगाडि बढाइने प्रहरीले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
