काठमाडौँ– नेपाली कम्युनिस्ट पार्टीका सांसद महेन्द्रबहादुर शाहीले सस्तो लोकप्रियता र प्रचारमुखी गतिविधिले देश नबन्ने भन्दै राज्यका संयन्त्र र संस्थाहरूलाई बलियो बनाउनुपर्ने बताएका छन् ।
प्रतिनिधिसभाको बुधवारको बैठकमा धारणा राख्दै उनले राजनीतिक दल र नेतृत्वले क्षणिक प्रचारबाजीभन्दा जनताका वास्तविक र दीर्घकालीन आवश्यकता पूरा गर्नेतर्फ ध्यान केन्द्रित गर्नुपर्ने बताए ।
बैठकमा बोल्दै सांसद शाहीले नेपाली राजनीतिको मूल मुद्दा विकास र समृद्धि हुनुपर्नेमा अचेल सस्तो लोकप्रियता र प्रचारमुखी गतिविधि हाबी भएको बताए ।
‘जनताले भौतिक पूर्वाधार विकास, आर्थिक समृद्धि, सुशासन र सामाजिक न्याय खोजेका छन्,’ उनले भने, ‘तर आज हाम्रा मूल मुद्दाहरू ओझेलमा परेर सस्तो लोकप्रियता र प्रचारमुखी गतिविधिमा ध्यान केन्द्रित भएको छ। यस्ता गतिविधिले देश बन्दैन, बरु बर्बादीको दिशामा लैजान्छ।’
उनले सरकारले काम गरेर जवाफ दिनुपर्नेमा प्रचारबाजी, फन्डा र काँचो काम गरिरहेको आरोप लगाए । यसले जनतामा सरकारप्रति आशा होइन, अविश्वास मात्र पैदा गरिरहेको उनको भनाइ थियो।
सांसद शाहीले लोकतन्त्रमा व्यक्ति अस्थायी र राज्यका संस्थाहरू स्थायी हुने बताए । ‘पाँच वर्षका लागि चुनिएर आउने व्यक्ति अस्थायी हो, तर राज्य र यसका संस्थाहरू स्थायी हुन्,’ उनले भने, ‘त्यसैले व्यक्ति होइन, संस्था बलियो हुनुपर्छ। राज्य संयन्त्र कमजोर पारेर व्यक्ति बलियो बन्ने र नागरिकमा डर९त्रास सिर्जना गर्ने शैलीले लोकतन्त्र बलियो हुँदैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1784106715.png)
-1764146706.png)
