काठमाडौं– फिफा विश्वकपमा नेदरल्यान्ड्सलाई अभागी टोलीका रूपमा चित्रित गर्ने गरिन्छ । उत्कृष्ट प्रदर्शन गर्दा गर्दै पनि नेदरल्यान्ड्सले विश्वकपको उपाधि चुम्न नसकेका इतिहास छन् ।
नेदरल्यान्ड्सको खराब इतिहास फेरि दोहोरिएको छ । फिफा विश्वकपअन्तर्गत मंगलबार बिहान मेक्सिकोको मोन्टेरी रंगशालामा भएको मोरक्कोविरुद्धको खेलमा नेदरल्यान्ड्स फेरि एकपटक पेनाल्टी सुटआउटमा चुकेर प्रतिस्पर्धाबाट बाहिरिएको छ ।
प्रि–क्वार्टरफाइनलमा पुग्नका लागि भएको खेलमा नेदरल्यान्ड्स मोरक्कोसँग पेनाल्टीमा २–३ गोल अन्तरले पराजित भयो । नेदरल्यान्ड्स यसअघि लगातार दुईपटक पेनाल्टी सुटआउटमा हारेर विश्वकपबाट बाहिरिएको थियो ।
सन् २०१४ र २०२२ को विश्वकपमा पनि नेदरल्यान्ड्स पेनाल्टीमा चुकेको थियो । नेदरल्यान्ड्स २०१४ को विश्वकपमा पनि पेनाल्टी सुटआउटमा हारेर विश्वकपबाट बाहिरिएको थियो । त्यसपछि २०१८ को विश्वकपमा छनोट हुन नसकेको नेदरल्यान्ड्स २०२२ को विश्वकपमा पनि पेनाल्टी सुटआउटमा हारेर बाहिरिएको थियो ।
नेदरल्यान्ड् २०२२ को विश्वकपमा क्वार्टरफाइनलमा अर्जेन्टिनासँग पराजित भएको थियो । नेदरल्यान्ड्सलाई फिफा विश्वकपका एक अभागी टोलीका रूपमा लिने गरिन्छ । किनभने, नेदरल्यान्डसले तीनपटक फाइनलमा पुगेर पनि उपाधि जित्न सकेको छैन ।
यो टोली १९७४, १९७८ र २०१० मा फाइनलमा पराजित भएको थियो । त्यस्तै, २०१४ मा तेस्रो तथा १९९८ मा चौथो भएको थियो । नेदरल्यान्ड्सले अहिलेसम्म १२ वटा विश्वकपमा भाग लिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791271370.png)
-1786602170.png)
