नेदरल्यान्ड्सले विश्वकप २०२६ मा शुक्रबार ट्नेसियालाई ३–१ ले हराएर समूह एफ जितेको छ । यो जितपछि डच टिमको सात अंक भएको छ र समूहको शीर्षमा रह्यो । जापान पाँच अंकमा दोस्रो स्थानमा रह्यो र उसले पनि अर्को चरणको यात्रा तय गर्यो ।
विश्वकप २०२६ अन्तर्गत शुक्रबार बिहान सम्पन्न खेलमा जापान र स्विडेनले १–१ को बराबरी खेलेका छन् । यो नतिजाले तेस्रो उत्कृष्ट टिम हुँदै स्विडेनले पनि दोस्रो चरणको यात्रा निश्चित गर्यो । ट्युनेसिया भने निराशाजनक रूपमा शून्य अंकमा रह्यो र लगातार तीनै खेलमा पराजित रह्यो ।
कानसास सिटीमा भएको खेलमा इलियास स्खरीको आत्मघाती गोलमा नेदरल्यान्ड्स तेस्रो मिनेटमा अगाडि रहेको थियो । त्यसपछि ब्रायन रोबरीले सातौं मिनेटमा दोस्रो गोल थपे ।
ट्युनेसियाका लागि ५४ औं मिनेटमा हाजेम मुस्तरीले एक गोल फर्काए ।
जान पउल भानले ६२ औं मिनेटमा तेस्रो गोल गर्दै नेदरल्यान्ड्सको जित निश्चित गरे । डलास सिटीमा भने जापानले दाइजन माएदाको गोलले ५६ औं मिनेटमा अग्रता लिए पनि त्यो लामो समय टिकेन र एन्थोनी एलान्गाले ६२ औं मिनेटमा बराबरी गोल फर्काए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_aDpltwY0rK-1782355389.webp)
-1764146706.png)
-1782224905-1782225890.jpeg)
