काठमाडौं- राष्ट्रिय स्वतन्त्र पार्टी अन्तर्गतको नवप्रवर्तन तथा स्टार्टअप विभागले आफ्नो आधिकारिक वेबसाइट सार्वजनिक गरेको छ। विभागले उद्यमशीलता, नवप्रवर्तन तथा स्वदेशी उत्पादन प्रवर्द्धनसम्बन्धी गतिविधिलाई थप व्यवस्थित र डिजिटल पहुँचयुक्त बनाउन वेबसाइट शुभारम्भ गरेको जनाएको छ।
विभागको आधिकारिक वेबसाइट startup.rspnepal.org मार्फत विभागका कार्यक्रम, नीति, गतिविधि तथा नवप्रवर्तनसम्बन्धी विभिन्न जानकारी उपलब्ध गराइनेछ।
रास्वपाले नेपालमा राजनीतिक दलअन्तर्गत समर्पित स्टार्टअप विभाग स्थापना गर्ने पहिलो दल भएको दाबी गरेको छ। पार्टीका अनुसार जनमतबाट सरकारमा पुगेपछि स्टार्टअप मन्त्रालय स्थापना गर्ने समेत रास्वपाको उक्त विभागले अग्रणी भूमिका निर्वाह गरेको थियो।
विभागको अवधारणा तथा स्थापना २०७९ सालमा डा. प्रभात अधिकारी, हरि जोशी तथा उनीहरूको टिमले विकास गरेको हो।
स्थापनापछि विभागले नेपालमै निर्मित उत्पादन तथा सेवाको प्रदर्शनी, नवप्रवर्तन प्रवर्द्धन, जुम्लाको स्याउलगायत स्थानीय उत्पादनको प्रचार–प्रसार, उद्यमशीलता विकास तथा नीतिगत बहसजस्ता कार्यक्रम सञ्चालन गर्दै आएको छ। यस्ता गतिविधिमार्फत विभागले आफूलाई रास्वपाका सबैभन्दा सक्रिय विभागहरूमध्ये एकका रूपमा स्थापित गरेको दाबी गरेको छ।
विभागले आगामी दिनमा नेपाली स्टार्टअप, नवप्रवर्तक, उद्यमी तथा स्थानीय उत्पादनलाई राष्ट्रिय तथा अन्तर्राष्ट्रिय स्तरमा प्रवर्द्धन गर्न थप कार्यक्रम सञ्चालन गर्ने जनाएको छ। वेबसाइट शुभारम्भसँगै नवप्रवर्तन र उद्यमशीलतासम्बन्धी जानकारी तथा अवसरहरू एकीकृत रूपमा उपलब्ध गराउने अपेक्षा गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782043740-1782045458.jpeg)
-1782199085-1782199787.jpeg)
-1764146706.png)
