काठमाडौँ– राष्ट्रिय स्वतन्त्र पार्टीले आफ्नो प्रथम राष्ट्रिय महाधिवेशनको आयोजना स्थल परिवर्तन गरेको छ।
पार्टीले महाधिवेशन अब भरतपुरस्थित चितवन उद्योग संघ अन्तर्राष्ट्रिय प्रदर्शनी केन्द्र मा सञ्चालन गर्ने निर्णय गरेको जनाएको छ।
यसअघि महाधिवेशन चितवनको रत्ननगर नगरपालिका क्षेत्रअन्तर्गत टाँडीस्थित होटेल स्टारमा गर्ने तयारी गरिएको थियो। पछिल्लो निर्णयसँगै कार्यक्रमको मुख्य स्थल परिवर्तन गरिएको हो।
पार्टीका केन्द्रीय सदस्य राजन गौतमका अनुसार असार ७ देखि ९ गतेसम्म सञ्चालन हुने महाधिवेशनमा सहभागी प्रतिनिधि तथा अतिथिका लागि सौराहा, रत्ननगर र भरतपुरका विभिन्न होटलमा आवास व्यवस्थापनको तयारी गरिएको छ।
महाधिवेशनको व्यवस्थापन तथा समन्वयका लागि पार्टीका स्थानीय, जिल्ला र नगर तहका संरचना, जिल्लामा रहेका केन्द्रीय सदस्य तथा प्रतिनिधिसभा सदस्यहरूको सहभागितामा काम अघि बढाइएको जनाइएको छ। तयारीलाई व्यवस्थित बनाउन १८ वटा उपसमिति गठन गरी विभिन्न जिम्मेवारी बाँडफाँट गरिएको गौतमले जानकारी दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
