काठमाडौँ – फिफा विश्वकप फुटबल हेर्न मेक्सिको जाँदै गरेका एन्फा अध्यक्ष पंकजविक्रम नेम्वाङ र महासचिव किरण राईलाई त्रिभुवन अन्तर्राष्ट्रिय विमानस्थलबाट फर्काइएको छ।
मंगलबार बिहान त्रिभुवन विमानस्थल अध्यागमन कार्यालयका अधिकारीहरूले उनीहरूलाई विमानस्थलबाट मेक्सिको जानमा रोक लगाएको हो।
नेम्वाङ र राई आज बिहान विमानस्थल पुगेका थिए । तर खेलकुद मन्त्रालय र राष्ट्रिय खेलकुद परिषद (राखेप) को पत्रका आधारमा उनीहरूलाई विदेश जानबाट रोकिएको अध्यागमन विभागका महानिर्देशक रामचन्द्र तिवारीले जानकारी दिए।
राहदानी ‘वाच लिस्ट’मा रहेकाले उनीहरूलाई फर्काइएको बताइएको छ।
आर्थिक अनियमिततासम्बन्धी विषयको छानबिनका लागि राखेपले नेम्वाङ र राईसहित एन्फाका सबै पदाधिकारीलाई विदेश भ्रमणमा रोक लगाएको जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
