काठमाडौँ – प्रतिनिधि सभाको आजको बैठक विपक्षी दलहरूको अवरोध जारी रहेपछि केही समयका लागि स्थगन गरिएको छ।
बैठक प्रारम्भ भएलगत्तै विपक्षी दलका सांसदहरूले विरोध स्वरूप उठेर कार्यसूची अघि बढ्न नदिएपछि सभामुख डोलप्रसाद अर्यालले बैठक १५ मिनेटका लागि स्थगित गर्ने निर्णय गरेका हुन्।
यस क्रममा सभामुखले नेकपा (एमाले) की संसदीय दलकी उपनेता पद्मा अर्याललाई धारणा राख्न समय उपलब्ध गराएका थिए। उनले सम्बोधन गर्दै कूटनीतिक मर्यादा र पदीय जिम्मेवारी विपरीत अभिव्यक्ति आएको आरोप लगाइन्। उपनेता अर्यालले प्रधानमन्त्रीबाट सो विषयमा भुल सुधार र सार्वजनिक क्षमा याचना हुनुपर्ने माग राखिन्।
यसअघि १७ जेठमा प्रतिनिधि सभामा बोल्दै प्रधानमन्त्री वालेन्द्र शाहले नेपाल–भारत सीमा विवाद कूटनीतिक संवादमार्फत समाधान गर्न सकिने धारणा व्यक्त गरेका थिए। सो अभिव्यक्तिलाई लिएर विपक्षी दलहरूले असन्तुष्टि जनाउँदै आएका छन्।
प्रधानमन्त्रीको भनाइप्रति असहमति जनाउँदै विपक्षी सांसदहरूले लगातार संसद् बैठक अवरुद्ध गर्दै आएका छन्, जसका कारण पछिल्ला बैठकहरू प्रभावित हुँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
