काठमाडौँ – नेपाली काँग्रेस भित्रको डा. शेखर कोइराला समूहले हालै आएको न्यायिक निर्णयलाई स्वीकार गर्दै संगठन सुदृढीकरणतर्फ ध्यान केन्द्रित गर्ने धारणा अघि सारेको छ।
विशालनगर स्थित कोइराला सचिवालयमा आइतबार बसेको बैठकले सर्वोच्च अदालतको निर्णयपछि पार्टीभित्र एकता कायम राख्नु सबै पक्षको साझा दायित्व भएको उल्लेख गरेको छ। तथापि, वर्तमान परिस्थितिमा नेतृत्व सम्हालेका सभापति गगनकुमार थापा माथि विशेष जिम्मेवारी पर्ने निष्कर्ष बैठकले निकालेको हो।
समूहले न्यायपालिकाप्रति विश्वास कायम राख्ने अडान दोहोर्याउँदै संगठनलाई मजबुत बनाउने दिशामा अघि बढ्नुपर्ने आवश्यकता औँल्याएको छ।
गत शुक्रबार सर्वोच्च अदालतले विशेष महाधिवेशनबाट गठन भएको नेतृत्वलाई आधिकारिकता दिएपछि उत्पन्न परिस्थितिबारे समीक्षा गर्न उक्त बैठक आयोजना गरिएको जनाइएको छ। यसअघि उक्त समूहले शेरबहादुर देउवा निकट पक्षसँग समेत परामर्श गर्दै आएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875775.jpg)
-1786602170.png)
-1786513116.png)
