काठमाडौं– गण्डकी प्रदेशका सांसद द्रोर्णकुमार कुँवरले पदबाट राजीनामा दिएका छन् ।
नेपाली कांग्रेसका प्रदेशसभा सदस्य रहेका कुँवरले बुधबार (वैशाख २) राजीनामा दिएका हुन् ।
कुँवरले गण्डकी प्रदेशसभाका सभामुखलाई सम्बोधन गर्दै बुधबार राजीनामा बुझाएका छन् । उनले आफ्नो राजीनामा वैशाख २ गतेदेखि लागु हुने गरी दिएको उल्लेख गरेका छन् ।
"गण्डकी प्रदेशसभाको प्रदेशसभाको निर्वाचन २०७९ साल मंसिर ४ गते सम्पन्न र्विाचनबाट बागलुङ जिल्ला क्षेत्र नम्बर २ (२) प्रदेशबाट प्रत्यक्ष निर्वाचित सदस्य द्रोर्णकुमार कुँवरले मिति २०८३/०१/०२ गतेका दिनदेखि लागु हुनेगरी प्रदेशसभा सदस्य पदबाट राजीनामा दिएको छु," उनले पत्रमा लेखेका छन् ।
उनी मन्त्री पदका लागि आकांक्षी देखिएका थिए । तर, मन्त्री बन्न नपाएपछि सांसदबाटै राजीनामा दिएका हुन् । कुँवर बागलुङ क्षेत्र नम्बर २ (२) बाट प्रत्यक्ष निर्वाचित भएका थिए ।
गण्डकीका मुख्यमन्त्री सुरेन्द्रराज पाण्डेले आजै आफ्नो मन्त्रिमण्डल फेरबदल गरेका छन् । उनको मन्त्रिमण्डलमा नेपाली कांग्रेस र एमालेका गरी आठ मन्त्री थपिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
