काठमाडौं– माल्दिभ्समा जारी साफ यू–२० च्याम्पियनसिपको सेमिफाइनलमा नेपालले आज बंगलादेशसँग प्रतिस्पर्धा गर्दैछ।
खेल मालेस्थित नेशनल फुटबल स्टेडियममा नेपाली समय अनुसार अपराह्न साढे चार बजे सुरु हुनेछ। नेपाल समूह ए को विजेता र बंगलादेश समूह बी को उपविजेता भएर सेमिफाइनल पुगेका हुन्।
नेपालले भुटानलाई २–१ र श्रीलंकालाई १–० ले पराजित गर्दा माल्दिभ्ससँग १–१ को बराबरी खेलेको थियो। उता बंगलादेशले पाकिस्तानलाई ३–० ले पराजित गरेको थियो भने भारतसँग १–१ को बराबरी खेलेको थियो।
नेपाल र बंगलादेश लगातार दोस्रो पटक सेमिफाइनलमा प्रतिस्पर्धा गर्न लागेका हुन्। यसअघि सन् २०२५ मा भारतमा भएको च्याम्पियनसिपको सेमिफाइनलमा नेपाल बंगलादेशसँग पराजित भएको थियो।
यस उमेर समूहमा नेपालले दुई र बंगलादेशले एक पटक उपाधि जितेको छ। तर पछिल्ला संस्करणहरुमा बंगलादेश नेपालका लागि चुनौती बन्दै आएको छ।
उपाधि जित्ने लक्ष्य बनाएर माल्दिभ्स पुगेको नेपालले अब ट्रफी उचाल्न भारत र बंगलादेशलाई पराजित गर्नुपर्ने हुन्छ। अर्को सेमिफाइनलमा भारत र भुटानबीच आजै राति प्रतिस्पर्धा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775018854.png)
-1764146706.png)
