काठमाडौं– साताको पहिलो दिन आइतबार सेयर बजार परिसूचक नेपाल स्टक एक्सचेञ्ज (नेप्से)मा भारी गिरावट आएको छ।
अघिल्लो साताभर बढेको सेयर बजार यो साताको पहिलो दिनमै भारी गिरावट आएको हो।
आइतबार सेयर बजार २६ अंकभन्दा बढीले गिरावट आएको हो। योसँगै आज सेयर बजार परिसूचक २६४९ विन्दुमा पुगेर बन्द भएको छ।
कारोबारका आधारमा आज सात अर्ब ८ करोड मूल्य बराबरको सेयर किनबेच भएको छ। जसमा सबैभन्दा बढी हिमालयन रि–इन्सुरेन्स लिमिटेड रहेको छ। यो कम्पनीको सेयर २३ करोडभन्दा बढीको कारोबार भएको हो।
३९ कम्पनीको मूल्य बढ्दा २१६ को घट्यो भने २ को स्थिर रह्यो। अधिकांश समूहका सूचक घटेका छन्। उत्पादन तथा प्रशोधन ०.७३ प्रतिशत बढ्यो।
बैंकिङ १.०८, विकास बैंक १.०९, फाइनान्स ०.८३, होटल तथा पर्यटन ०.२९, हाइड्रोपावर १.३१, लगानी १.४८, जीवन बीमा १.२० प्रतिशत घटे। त्यस्तै माइक्रोफाइनान्स १.३०, निर्जीवन बीमा ०.६९, अन्य १.०४ र व्यापार ०.५१ प्रतिशत घटे।
चार कम्पनीको मूल्य १० प्रतिशत बढ्यो। १० प्रतिशत बढेका कम्पनीमा सागर डिस्टिलरी, स्वस्तिक लघुवित्त, झापा इनर्जी र श्रीनगर एग्रिटेक छन्।
जोशी हाइड्रोपावरको मूल्य सबैभन्दा धेरै ७.२९ प्रतिशत घट्यो। हिमाल दोलखा हाइड्रोपावरको ५.५९, स्वेतगंगा हाइड्रोपावरको ५.०७ तथा हिमालयन हाइड्रोपावरको ४.९४ प्रतिशत मूल्य घट्यो।
आज धेरै कारोबार भएका कम्पनीमा हिमालयन रिइन्स्योरेन्स, जोशी हाइड्रोपावर, ग्रिन भेन्चर्स, एनआरएन इन्फ्रास्ट्रक्चर र नेपाल लाइफ इन्स्योरेन्स छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764498344.png)
-1764495811.png)
-1764492941.png)
-1764146706.png)
-1763721444.png)
-1763559424.jpg)
-1764080971.png)
