काठमाडौं- प्यासिफिक एसिया ट्राभल एसोसिएसन (पाटा) नेपाल च्याप्टरले ‘डिजिटल परिर्वतन तर्फ पाईला उन्मुख’ मूल नाराका साथ ४२औं वार्षिक साधारण सभा सम्पन्न गरेको छ। पर्यटनमा डिजिटल रुपान्तरणको आवश्यकता दृष्टिगत गरी पाटा नेपालले डिजिटल बजारीकरण विज्ञ तथा मेकोङ टुरिजम कोडिनेटिङ अफिसका कार्यकारी निर्देशक जेन्स थरेनहर्टलाई साधारण सभाको प्रमुख वक्ताका रुपमा नेपाल आमन्त्रण गरेको थियो। साधारण सभामा इन्टरनेन्सल चाइना इन्भेस्टमेन्ट फोरमका अध्यक्ष डा. मार्कस लीलाई समेत 'गेस्ट अफ अनर'का रुपमा आमन्त्रिण गरिएको थियो।
_x000D_
_x000D_
साधारण सभाले पाटा नेपाल विशेष ३ वटा अवार्ड समेत प्रदान गरेको छ। पाटाले पहिलो पटक पाटा नेपाल च्याप्टर अवार्ड फर लाईफटाइम अचिभमेन्टको सुरुवात गर्दै नेपाली पर्यटनमा अतुलनीय योगदान पुर्याएका पर्यटन व्यवसायी प्रभाकर शमशेर राणाालाई कदर तथा समान गर्दै अवार्ड प्रदान गरेको थियो।
_x000D_
_x000D_
यसैगरी, पाटाले ‘पाटा पर्सनालिटी अफ द ईयर २०१८’ समेत प्रदान गरेको छ। यो अवार्ड नेपाल वायुसेवा निगमका प्रबन्ध निर्देशक सुगतरत्न कंसाकारलाई प्रदान गरिएको हो। बेस्ट स्टुडेन्ट च्याप्टर अफ द ईयर अवार्ड भने नेपाल एकेडेमी अफ टुरिजम एण्ड होटल म्यानेजमेन्ट (नाथम)लाई दिएको छ।
_x000D_
_x000D_
राष्ट्रिय ध्वजावाहक वायुसेवा निगको सुदृढीकरण, नयाँ एयर करिडोरको सुरुवात, आवश्यक पूर्वाधारको निर्माणसँगै नेपाललाई 'माइस डेस्टिनेसन'का रुपमा स्थापित गर्न इन्टरनेसनल कन्भेन्सन सेन्टरको तत्काल आवश्यकता रहेको पाटा नेपालका अध्यक्ष सुनिल शाक्यले बताए।
_x000D_
_x000D_
समारोहका प्रमुख अतिथि समेत रहेका संस्कृति, पर्यटन तथा नगारिक उड्ययनमन्त्री रवीन्द्र अधिकारीले पाटा नेपाल च्याप्टरद्वारा सफलतापूर्वक आयोजित हिमालयन ट्राभल मार्टको प्रसंशा गरे। उक्त मार्टले नेपालको पर्यटन प्रवर्द्धन तथा पर्यटक आगमन वृद्धिमा उल्लेख्य भूमिका निर्वाह गरेको बताए।
_x000D_
_x000D_
मन्त्री अधिकारीले त्रिभुवन अन्तर्राट्रिय विमानस्थलको सेवा २२ घन्टा सञ्चालन गरिएको र विभिन्न निकायका सकारात्मक प्रयासका फलस्वरुप पर्यटक आगमन उत्साहजनक रुपमा वृद्धि भएको बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
