-1753968008.jpg)
फाइल तस्बिर
काठमाडौं– पछिल्लो एक वर्षको अवधिमा वैदेशिक रोजगारीमा गएकामध्ये मृत्युवरण भएका एक हजार १८० जनाको शव नेपाल ल्याएर परिवारलाई बुझाइएको छ । अझै ७० शव विदेशमै अलपत्र अवस्थामा रहेको वैदेशिक रोजगार विभाग बोर्डले जनाएको छ ।
बिहीबार बोर्डका कार्यकारी निर्देशक डा द्वारिका उप्रेतीले पत्रकार सम्मेलन गर्दै उक्त जानकारी दिएका हुन् । उनले गत आवमा अघिल्लो वर्षको तुलनामा शव ल्याउने सिलसिला बढेको जानकारी दिए ।
यस्तै शवलाई परिवारको घरसम्म एम्बुलेन्सको आवश्यकता रहेकाले त्यसका लागि पनि बजेट विनियोजन गरिएको बताएका छन् । उनले पुनारा शव बाहनको सट्टामा नयाँ दुईवटा विद्युतीय शववाहन किन्ने योजना रहेको बताएका छन् ।
विदेशमा जेल परेका अधिकांश व्यक्तिमा लागुऔषध एवं मदिराको कुलत देखिएको उनको भनाइ छ । उनका अनुसार गन्तव्य देशमध्ये साउदी अरबको कानुनी प्रक्रिया जटिल भएकाले शव ल्याउन ढिलाइ हुने गरेको छ ।
बोर्डले १२ सय ५० मृतकका परिवारलाई गत आर्थिक वर्षमा सहयोग रकम हस्तान्तरण गरेको थियो । वैदेशिक रोजगारीका सिलसिलामा विदेशमा अंगभंग तथा अस्वस्थ भएका ६९८ कामदारलाई आर्थिक सहयोग गरिएको उनले बताए ।
त्यस्तै, कामदारका २७५ परिवारलाई स्वास्थ्य उपचार सहयोग गरिएको उनले उल्लेख गरे । वोर्डले वैदेशिक रोजगारीमा रहेका नागरिकका ९९० जना सन्ततिलाई छात्रवृत्ति दिएको छ ।
वोर्डले संघीय र प्रदेश सांसदका लागि वैदेशिक रोजगारसम्बन्धी अभिमुखीकरण कार्यक्रम सञ्चालन गर्ने भएको छ । यससँगै वैदेशिक रोजगारीबाट फर्केर उद्यममा संलग्न भई सफलता हासिल गरेका नागरिकलाई लक्षित गर्दै ‘रिटर्नी उद्यमी आइडल’ कार्यक्रम आयोजना गरिने डा. उप्रेतीले बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768546075.png)
-1764146706.png)
-1768395492.png)
