ट्रम्प–किमबीचको दोस्रो सम्मेलन तयारीका लागि पोम्पेओ एसिया भ्रमणमा

विश्व

नेपाल लाइभ आइतबार, असोज २१, २०७५ ०१:०१

टोकियो– अमेरिकी विदेशमन्त्री माइक पोम्पेओले आफ्नो एसिया भ्रमणले ट्रम्प–किमबीचको दोस्रो सम्मेलनका लागि गति प्रदान गर्ने विश्वास व्यक्त गरेका छन्।

_x000D_ _x000D_

अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीचको वार्तालाई वातावरण मिलाउने सिलसिलामा पोम्पेओ शनिबार जापान आइपुगेका छन्। जापानबाट उनी प्योङयाङ जाने कार्यक्रम छ। अमेरिकी विदेशमन्त्रीका रूपमा पोम्पेओको योे भ्रमण उत्तर कोरियाका लागि चौथो हो।

_x000D_ _x000D_

टोकियो विमानस्थलमा सञ्चारकर्मीसँग बोल्दै पोम्पेओले भने, ‘आफ्नो एसिया भ्रमण लामो समयदेखि उत्तर कोरियासँग रहँदै आएको शत्रुतापूर्ण सम्बन्धलाई शान्तितर्फ अग्रसर गर्दै अमेरिका र उत्तर कोरियाबीच प्रशस्त विश्वास बढाउनु रहनेछ। त्यसपछि हामी अर्को शिखर सम्मेलनको व्यवस्था गर्न गइरहेका छौँ।,’ उनले भने।

_x000D_ _x000D_

उनले आफ्नो भ्रमण आगामी शिखर सम्मेलनको तयारी, स्थान र समय तय गर्नका लागि महत्वपूर्ण हुनेमा विश्वास व्यक्त गरे। ‘मलाई लाग्छ छलफल पहिलेभन्दा अगाडि बढ्नेछ।’

_x000D_ _x000D_

ट्रम्प र किमबीच गत जुनमा भेटवार्ता भएको थियो। यसअघि कुनैपनि बहालवाला अमेरिकी राष्ट्रपतिले उत्तर कोरियासँग वार्ता गरेका थिएनन्। मानव अधिकारवादी समूहहरूको नजरमा उत्तर कोरिया विश्वकै सबैभन्दा बढी मानवअधिकारको उल्लङ्घन गर्ने मुलुक हो।

_x000D_ _x000D_

पोम्पेओले शनिबारै टोकियोमा प्रधानमन्त्री सिन्जो आवे र विदेशमन्त्री तारो कानोसँग उत्तर कोरियाबारे छलफल गरेका छन्। उत्तर कोरियाले क्षेप्यास्त्र प्रक्षेपण गर्दा जापानी भू–भागसमेत समेटेको र यसबाट जापानी जनतामा निकै त्रासको अवस्था बनेको थियो।

_x000D_ _x000D_

जापानले प्योङयाङ नेतृत्वलाई कडा दबाव सिर्जना गर्नुपर्ने बताउँदै आएको छ। जापानी प्रधानमन्त्री आवेले उत्तर कोरिया र जापानबीचको सम्बन्ध सुधारका लागि प्रत्यक्ष वार्ता गरेर मात्र अघि बढ्न सकिने बताएको बुझिएको छ।

_x000D_ _x000D_

पोम्पेओ टोकियोबाट प्योङयाङ जाने र त्यसपछि दुवै देशको राय लिएर दक्षिण कोरिया जाने कार्यक्रम छ।

_x000D_ _x000D_

दक्षिण कोरियाली विदेशमन्त्री काङ क्युङ–ह्वाले हालै वासिङ्टन पोष्टलाई दिएको अन्तवार्तामा अमेरिका र उत्तर कोरियाको आगामी वार्ता के विषयमा केन्द्रित हुनेछ भन्ने सङ्केत गरेका थिए। उनले भने, ‘उत्तर कोरियाले आफ्नो प्रसिद्ध आणविक स्थल योङवायोनलाई नष्ट गर्न त तयार हुनेछ तर यसका लागि अमेरिकाले सन् १९५० देखि सन् १९५३ सम्म कोरियाली प्रायद्वीपमा चलेको युद्धको औपचारिक अन्त्य भएको घोषणा गर्नुपर्नेछ।’ उक्त युद्धको अन्त्य शान्ति सम्झौतामार्फत नभई युद्धविराम गर्ने सहमतिबाट अन्त्य भएको थियो तर पटक–पटक युद्धविराम भङ्ग हुँदा दुई कोरियाबीच तनाव उत्पन्न हुने गरेको छ।

_x000D_ _x000D_

पोम्पेओले वार्ताको खाकाबारे नखुलाइकन भने, ‘दुई पक्षबीच के गर्न खोजिएको छ सबैलाई जानकारी छ।’

_x000D_ _x000D_

पोम्पेओ सिओलबाट सोमबार चीनका लागि प्रस्थान गर्नेछन्। चीन उत्तर कोरियाको बलियो राजनीतिक तथा आर्थिक सहयोगी मानिने गर्छ। तर, पोम्पेओको बेइजिङ बसाई भने सहज नहुने देखिएको छ। केही दिन पहिले अमेरिकी उपराष्ट्रपति माइक पेन्सले चीनलाई सैन्य उत्तेजना फैलाएको, व्यवसायिक चोरी गरेको, मानव अधिकार उल्लङ्घनका घटनामा बढोत्तरी गराएको र अमेरिकी निर्वाचनमा ट्रम्पविरुद्ध हस्तक्षेप गरेको लगायतका आरोप लगाएका कारण चीन अमेरिकासँग खुसी छैन।

_x000D_ _x000D_

रिचार्ड कार्टर/रासस/एएफपी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राजावादीलाई दिउँसो २ बजेपछि मात्र प्रदर्शनको अनुमति, त्यसअघि एमालेलाई

हमासका गाजा प्रमुख सिनवार मारिएको इजरायलको दाबी

बैंकहरूले अनिवार्य मौज्दातको ९० प्रतिशत रकम राख्नैपर्ने