काठमाडौँ – भारतको राजधानी नयाँ दिल्ली रेलवे स्टेशन (रेलस्थानक)मा भागदौड हुँदा १५ जनाको मृत्यु भएको बताइएको छ । दिल्लीको रेलस्थानकमा भागदौड हुँदा कम्तिमा १५ जनाको मृत्यु भएको भारतीय संचार माध्यम टाइम्स अफ इन्डियाले जनाएको छ ।
दिल्लीका कामचलाउ मुख्यमन्त्रीका अनुसार शवहरू राजधानीको लोक नायक जयप्रकाश नारायण अस्पतालमा ल्याइएको छ । शनिबार राति भागदौड हुँदा हजारौं मानिसहरू नयाँ दिल्ली रेल स्टेशन (रेलस्थानक) मा भेला भएर उत्तरी भारतमा महाकुम्भ हिन्दू उत्सव स्थलमा रेल चढ्न पर्खिरहेका थिए ।
प्रधानमन्त्री नरेन्द्र मोदीले “भागदौडबाट दुःखी” भएको बताए । प्रधानमन्त्री मोदीले आफ्ना प्रियजनहरू गुमाएका परिवार प्रति शोक व्यक्त गर्दै घाइतेहरूको शीघ्र स्वास्थ्यलाभको कामना गरेका छन् । रेलवे मन्त्री अश्विनी वैष्णवले भागदौड के कारणले भयो भनेर पत्ता लगाउन अनुसन्धानको आदेश दिइएको बताए ।
गत महिना छ हप्ता लामो महाकुम्भ मेलामा कराडौँ हिन्दूहरू पवित्र नदीको पानीमा डुब्न भेला भइरहेका छन् । एक सय ४४ बर्ष पछि लागेको यस मेलामा हाल सम्म तथ्याङ्क ५० करोड बढिले स्नान गरीसकेको उत्तर प्रदेश सरकारले जानकारी दिएको छ । यहि समय अघि महामुम्भ मेलामै भएको भागदौडमा कम्तिमा ३० जनाको मृत्यु भएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
