काठमाडौं– आगामी कात्तिक दोस्रो साता आयोजना हुने पोखरा प्रिमियर लिग (पिपिएल) टि–२० क्रिकेट प्रतियोगिताको हस्पिटालिटी पार्टनरको रुपमा ओयो रुम्ससँग सम्झौता भएको छ।
_x000D_
_x000D_
क्विन्स इभेन्ट्स म्यानेजमेन्ट र आयो रुम्सबीच एक सिजनका लागि शुक्रबार सम्झौता भएको हो। सम्झौतामा क्विन्स इभेन्ट्स म्यानेजमेन्टका प्रबन्ध निर्देशक छुम्बी लामा र ओयो रुम्स नेपालका कन्ट्री हेड निसिद हलानीले हस्ताक्षर गरेका छन्।
_x000D_
_x000D_
सम्झौताअनुसार ओयो रुम्सले पिपिएललाई ३२ लाख रुपैयाँ बराबरको प्रायोजन गर्नेछ। जसअनुसार ओयोले पिपिएलसँग सम्बन्धित व्यक्तिहरुलाई आवासको सुविधा उपलब्ध गराउने छ। जसमा सवै खेलाडी, व्यवस्थापक र आयोजक समेटिने पिपिएलले जनाएको छ।
_x000D_
_x000D_
ओयो रुम्स चेन होटलहरुको मल्टिनेसनल कम्पनी हो। भारतबाट सुरु भएको ओयो भारतकै सबैभन्दा ठूलो हस्पिटालिटी कम्पनी हो।
_x000D_
_x000D_
६ टिमको सहभागिता रहने पिपिएल आगामी कात्तिक ९ देखि २० गतेसम्म पोखरा रंगशालास्थित क्रिकेट मैदानमा हुनेछ।
_x000D_
प्रतियोगितामा चितवन राइनोज, विराटनगर टाइटन्स्, बुटवल ब्लास्टर्स, पोखरा पल्टन, एक्पर्ट धनगढी ब्लुज र हुलास काठमाडौं रोयल्सले खेल्नेछन्।
_x000D_
_x000D_
प्रतियोगिताका लागि आइतबार अक्सन हुँदैछ। अक्सनमा सहभागी हुन १ सय ७९ खेलाडीले नाम दर्ता गराएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-ink-1735720380-1735720728.jpeg)
