काठमाडौं– बङ्गलादेशमा आयोजना हुने यू–१९ एसिया कपमा नेपालले आफ्नो उद्घाटन खेलमा चिरपरिचित प्रतिद्वन्द्वी भारतसँग प्रतिस्पर्धा गर्ने भएको छ।
_x000D_
_x000D_
भोलि (शनिबार)देखि सुरु हुने उक्त प्रतियोगितामा टेस्ट मान्यताप्राप्त राष्ट्र टोली भारतलाई पराजित गर्ने लक्ष्यसहित नेपाली टोली मैदानमा उत्रने छ। गत संस्करणको समूह चरणको खेलमा नेपालले भारतलाई पराजित गर्दै सनसनी मच्चाएको थियो। मलेसियामा भएको उक्त प्रतियोगितामा नेपालले भारतलाई १९ रनले पराजित गरेको थियो।
_x000D_
_x000D_
प्रतियोगिताको अघिल्लो संस्करणमा नेपाल पहिलो पटक सेमिफाइनलमा पुग्न सफल भएको थियो। गत संस्करणको खेलमा भारत नेपालसँग पराजित भएसँगै समूह चरणबाटै बाहिरिएको थियो।
_x000D_
_x000D_
प्रतियोगितामा नेपाल समूह ‘ए’ मा परेको छ। नेपालको समूहमा भारत, अफगानिस्तान र संयुक्त अरब इमिरेट्स (युएई) छन्। त्यस्तै समूह ‘बी’मा श्रीलङ्का, बङ्गलादेश, पाकिस्तान र हङकङ छन्।
_x000D_
_x000D_
एसिया कप हुनुअघि भारतमा भएको एकदिवसीय सिरिजमा नेपाल भारतको ‘ए’ र ‘बी’ दुबै टोलीसँग पराजित भएको थियो। त्यस्तै अफगानिस्तानविरुद्धको खेलमा भने नेपाल विजयी भएको थियो। त्यसपछि तेस्रो स्थानको लागि भएको भिडन्तमा नेपाल अफगानिस्तानसँग पराजित भएको थियो।
_x000D_
_x000D_
नेपाली टोलीमा कप्तानको भूमिका मोहम्मद आसिफ शेखले निर्वाह गर्नेछन् भने उपकप्तानमा कमल सिहं ऐरी छन्। टोलीको अन्य खेलाडीमा रोहितकुमार पौडेल, रवी शाह, सूर्य तामाङ, पवन शर्राफ, रवीन्द्रजङ्ग शाही, रासिद खान, भीम सार्की, तृतराज दास, सन्दिप जोरा, नन्दन यादव, रीत गौतम, सागर ढकाल र अरुण ऐरी छन्।
_x000D_
_x000D_
टोलीको मुख्य प्रशिक्षकमा विनोद दास छन्। सहायक प्रशिक्षकमा मनोज कटुवाल छन्। दुबै समूहको शीर्ष दुई टोलीले सेमिफाइनलको यात्रा तय गर्नेछन्। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
