काठमाडौं– साफ महिला च्याम्पियनसिफ अन्तर्गत नेपाल र भारतबीचको सेमिफाइनल खेल पहिलो हाफ बराबीमा रोकिएको छ।
त्रिपुरेश्वरस्थित दरशथ रंगशालामा जारी खेलमा पहिलो हाफ सकिँदा दुवै तर्फबाट गोल हुन सकेको छैन। पाँच पटकको विजेता भारत बलियो भए पनि यसपटक नेपाली टिम बलियो हुँदा चुनौतीपूर्ण रहेको छ।
श्रीलंका र भुटानलाई हराएर नेपाल समूह विजेता बन्दै सेमिफाइनलमा आएको हो भने भारत एक जित र एक हारसहित उपविजेता बन्दै सेमिफाइनलमा आएको हो। यसअघि आज भएको पहिलो सेमिफाइनल खेलमा भुटानलाई हराउँदै बंगलादेश फाइनलमा पुगिसकेको छ।
बंगलादेशले भुटानलाई ७–१ गोल अन्तरले हराएको हो। नेपाल र भारतबीचको खेलबाट विजेता हुने टोलीले बंगलादेशसँग उपाधिका लागि प्रतिस्पर्धा गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
