काठमाडौं– साताको पहिलो कारोबार दिन अर्थात् आइतबार नेप्से परिसूचक ५६.०९ अंकले बढेको छ। यसदिन नेप्से २.१५ प्रतिशतले बढेर २६५३.५८ विन्दुमा बन्द भएको छ। आइतबार कारोबार रकम भने अघिल्लो दिनको तुलनामा केही घटेको छ।
गत कारोबार दिन अर्थात् बुधबार छ अर्ब ७७ करोडको कारोबार भएकोमा यसदिन छ अर्ब १३ करोडको कारोबार भएको छ।
अघिल्लो दिनको तुलनामा कारोबार रकममा ६४ करोड रूपैयाँ कमी आएको हो। आज ३०८ वटा धितोपत्रको एक करोड ५० लाख ४६ हजार ७१० कित्ता सेयर किनबेच भएको हो।
आइतबार २१९ कम्पनीको सेयर मूल्य बढेको छ भने २३ घटेको छ। यस्तै, दुई कम्पनीको सेयर मूल्य स्थिर रहेको छ। यसदिन न्यादी हाइड्रोपावरको सेयर मूल्य सर्वाधिक १० प्रतिशतले बढेर प्रतिकित्ता मूल्य ३३५ रूपैयाँ ६० पैसा कायम भएको छ।
यसैगरी, मध्य भोटेकोशी जलविद्युतको मूल्य ९.७६ प्रतिशतले बढेर प्रतिकित्ता मूल्य ३६० रूपैयाँ पुगेको छ। यस्तै, विन नेपाल लघुवित्तको मूल्य सर्वाधिक १० प्रतिशतले घटेर प्रति कित्ता मूल्य दुई हजार ८३५ रूपैयाँमा झरेको छ।
कुमारी सबल योजनाको मूल्य ९.४३ प्रतिशतले घटेको छ। उक्त योजनाको प्रतिकित्ता मूल्य नौ रूपैयाँ ४३ पैसा कायम भएको छ।
आइतबार साहस ऊर्जाको सर्वाधिक कारोबार भएको छ। कम्पनीको प्रतिकित्ता मूल्य ४८९ रूपैयाँमा ६३ करोड ८३ लाखको सेयर कारोबार भएको छ।
यो मूल्य अघिल्लो दिनको तुलनामा ७.४७ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा एनआरएन इन्फ्रास्टक्चर रहेको छ। उक्त कम्पनीको प्रतिकित्ता ९६४ रूपैयाँमा २५ करोड ५७ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो। यसदिन वित्त समूहमा लगानीकर्ताको उच्च आकर्षण देखिएको छ। उक्त समूहको परिसूचक सर्वाधिक ६.३० प्रतिशतले बढेको छ।
यस्तै दोस्रोमा उत्पादन तथा प्रशोधन समूहको परिसूचक ३.१२ प्रतिशतले बढेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
