इटहरी- मुलुक प्रादेशीक संरचना अनुसार अगाडि बढिरहेको अवस्थामा शिक्षा क्षेत्रमा पनि विकेन्द्रीकरणका आवाज उठ्न थालेको छ। शिक्षा क्षेत्रमा गरीएको पुरानो क्षेत्रीय विश्वविद्यालयको अभ्यास निकम्मा बनेको भन्दै प्रादेशिक संरचनामामा विश्वविद्यालयलाई लैजाने अभ्यास सुरु हुन लागेको हो।
_x000D_
_x000D_
पब्लिक क्याम्पस प्राध्यापक संघ जनता बहुमुखी क्याम्पस इकाइ कार्यसमितिले प्रादेशिक विश्वविद्यालयको अवधाणाको आवश्यकता र औचित्यमाथि बहस थालेको छ। शिक्षामन्त्री गिरिराजमणि पोखरेलको प्रमुख अतिथ्यतामा प्रादेशिक विश्वविद्यालयको अवधारणा सम्बन्धी विचार गोष्ठीसमेत गरिएको छ।
_x000D_
_x000D_
उक्त कार्यक्रममा मन्त्री पोखरेलले अब विश्वविद्यालयलाई विकेन्द्रीकरणको अभ्यास अनुसार प्रादेशिक रूपमै अगाडि बढाइने बताए। प्रादेशिक विश्वविद्यालयको अवधारणाले शिक्षा क्षेत्रमा भइरहेको केन्द्रीकृत अवधारणालाई हटाउने उनको भनाइ थियो। नेपाल संघीय गणतन्त्रात्मक राज्य व्यवस्था अनुसार अगाडि बढिरहेको सन्दर्भमा यस्ता बहस जरुरी भएको मन्त्रीले तर्क गरे ।
_x000D_
_x000D_
कार्यक्रमा प्रादेशिक विश्वविद्यालयको अवधारणाको आवश्यकता र औचित्यको विषयमा पनि अवधारणापत्र प्रस्तुत गरिएको थियो।
_x000D_
_x000D_
भाषाविद् प्राडा टंक न्यौपानेद्वारा प्रस्तुत कार्यपत्रमा शिक्षा क्षेत्रमा विकेन्द्रीकरणको खाँचो औंल्याइएको छ। पछिल्लो समय त्रिभुवन विश्वविद्यालय अव्यवस्थित बन्दै गएको र क्षमता अनुसार भूमिका निर्वाह गर्न नसकेको अवधारणापत्रमा भनिएको छ। पुराना विश्वविद्यालयले विद्यार्थीको भार थाम्न नसकेर काम नलाग्ने भएको कारण प्रादेशिक विश्वविद्यालयको अवधारणा प्रस्तुत गरिएको उनको भनाइ थियो।
_x000D_
_x000D_
पूर्वमा सञ्चालित पब्लिक क्याम्पसलाई समेटेर विश्वविद्यालय बनाउन सकिने कार्यपत्रमा उल्लेख छ।
_x000D_
_x000D_
'प्रदेश नं १ को लागि त्रिवि जस्तै काम गर्ने अर्को विश्वविद्यालय बनाउन सकिन्छ,' न्यौपाने भन्छन्, 'जसको लागि प्रदेश सरकार र जनताको संयुक्त लगानीमा विश्वविद्यालय सञ्चालनमा ल्याउनुपर्छ।'
_x000D_
_x000D_
पब्लिक क्यम्पस प्राध्यापक संघका इकाइ सभापति अर्जुन उप्रेतीले देश प्रादेशिक संरचना अन्तर्गत अगाडि बढिरहेको बेला शिक्षा नीति पनि सोही अनुसार अगाडि बढ्नुपर्ने बताए । शिक्षा क्षेत्रमा विकेन्द्रीकरण अभ्यास सुरु भएको भए पनि त्यो कामचालाउ मात्र भएको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
